काठमाडौँ । देशभर २०८२ साल असोज १८ गतेको अविरल वर्षा र बाढी–पहिरोका कारण भएका क्षतिको बीमा दाबीको अद्यावधिक तथ्यांक बीमा कम्पनीहरूबाट प्राप्त भएको छ।

निर्जीवन बीमा कम्पनीहरूमा हालसम्म ७९० वटा प्रारम्भिक बीमा दाबी परेको छ, जसको कुल रकम करिब रु. ४ अर्ब १८ करोड २६ लाख रहेको छ। यसमध्ये हालसम्म ९६ वटा दाबीको रकम करिब रु. ११ करोड १५ लाख बीमितहरूलाई भुक्तानी भएको छ।

बीमा प्रकार अनुसार विवरण यस प्रकार छ :

• सम्पत्ति बीमा: ४१७ दाबी, रु. ३ अर्ब ५८ करोड ३२ लाख; ३३ दाबीको रु. ९ करोड ६४ लाख भुक्तानी।
•  इञ्जिनीयरिङ/ठेक्का जोखिम बीमा: १०७ दाबी, रु. ५१ करोड ५७ लाख; ७ दाबीको रु. ९ लाख भुक्तानी।
• कृषि/बाली बीमा: २१० दाबी, रु. ४ करोड १४ लाख; ४२ दाबीको रु. १९ लाख भुक्तानी।
• मोटर बीमा (निजी): ४० दाबी, रु. २ करोड ८२ लाख; १२ दाबीको रु. १ करोड २० लाख भुक्तानी।
• सामुद्रिक बीमा: ४ दाबी, रु. ११ लाख; २ दाबीको रु. ३ लाख भुक्तानी।
• मोटर बीमा (सार्वजनिक): १० दाबी, रु. १ करोड १९ लाख; भुक्तानी प्रक्रिया सुरु भएको छैन।
• लघुबीमा: २ दाबी, रु. १२ लाख; भुक्तानी प्रक्रिया सुरु भएको छैन।

बीमा समितिका अनुसार, कुल दाबीमध्ये धेरै हिस्सा सम्पत्ति बीमा र कृषि/बाली बीमामा रहेको छ, भने मोटर (सार्वजनिक) र लघुबीमाका दाबीमा भुक्तानी प्रक्रिया अझै प्रारम्भ भएको छैन।

सुशील देव सुवेदी, कार्यकारी निर्देशक तथा प्रवक्ताका अनुसार, बीमा कम्पनीहरूले दाबीको छानबिन गरी समयमै भुक्तानी सुनिश्चित गर्न प्रयासरत छन्।