काठमाडौँ । नेपालका लागि निसान सवारी साधनको एक मात्र आधिकारिक वितरक पायोनियर मोटो कर्प प्रा. लि. ले क्रिसमस र नयाँ वर्षको अवसरमा विशेष ‘निसान म्याग्नाइट महा धमाका’ अफर सार्वजनिक गरेको छ।

सीमित अवधिका लागि लागू हुने यस अफरमार्फत ग्राहकहरूले निसान म्याग्नाइट खरिद गर्दा आकर्षक नगद छुट, एक्सचेन्ज बोनस, निःशुल्क सेवा तथा वारेन्टीलगायतका सुविधा प्राप्त गर्ने कम्पनीले जनाएको छ। यस अभियानले नेपाली परिवारहरूका लागि लक्जरी र सुरक्षित मोबिलिटीलाई अझ पहुँचयोग्य बनाउने लक्ष्य लिएको छ।

अफरअन्तर्गत निसान म्याग्नाइट खरिदमा रु. १ लाख नगद छुट प्रदान गरिनेछ भने पुरानो गाडी एक्सचेन्ज गर्दा रु. १ लाख एक्सचेन्ज बोनस उपलब्ध हुनेछ। साथै, ग्राहकहरूले ३ वर्ष निःशुल्क सर्भिसिङ र ३ वर्षको वारेन्टी, १ वर्षको सम्पूर्ण बिमा तथा चालु आर्थिक वर्षको रोड ट्याक्स सुविधा पनि प्राप्त गर्नेछन्।

यसका अतिरिक्त, ग्राहकहरूका लागि आईफोन १७ र जोडीका लागि थाइल्याण्ड यात्रा जस्ता आकर्षक उपहार जित्ने अवसरसमेत राखिएको छ।

निसान म्याग्नाइट नेपालमा लोकप्रिय कम्प्याक्ट एसयूभीमध्ये एक मानिन्छ। यसले ५-स्टार एनक्याप सेफ्टी रेटिङ प्राप्त गरेको छ। गाडीमा ६ एयरब्याग, हिल-असिस्ट कन्ट्रोल, ३६० डिग्री क्यामेरा, ८ इन्च टचस्क्रिन, एन्ड्रोइड अटो र एप्पल कारप्ले जस्ता आधुनिक सुरक्षा तथा सुविधा समावेश छन्। २०५ मिलिमिटर ग्राउन्ड क्लियरेन्स का कारण यो नेपाली सडकका लागि उपयुक्त रहेको कम्पनीको भनाइ छ।

यो अफर नेपालभर लागू हुने जनाइएको छ। इच्छुक ग्राहकहरूलाई नजिकैको निसान शोरुम वा काठमाडौँको थापाथलीस्थित पायोनियर मोटो कर्पको मुख्य कार्यालयमा पुगेर टेस्ट ड्राइभ बुक गर्न कम्पनीले आग्रह गरेको छ।

पायोनियर मोटो कर्प प्रा. लि. नेपालमा निसान सवारी साधनको आधिकारिक वितरक हो, जसले देशभरको डिलर नेटवर्कमार्फत बिक्री, सेवा तथा स्पेयर पार्ट्स सुविधा प्रदान गर्दै आएको छ।