काठमाडौँ । प्रभु बैंकका प्रमुख कार्यकारी अधिकृत (सीईओ) अशोक शेरचन रिहा भएका छन्। विशेष सरकारी वकिलको कार्यालयले उनलाई छाड्ने आदेश दिएको हो।

केन्द्रीय अनुसन्धान ब्यूरो (सिआइबी) का प्रवक्ता शिवकुमार श्रेष्ठका अनुसार शुक्रबार शेरचनलाई तीनवटा मुद्दामा म्याद थपका लागि उपस्थित गराइएको थियो। तर, विशेष सरकारी वकिलको कार्यालयले उनलाई रिहा गर्ने आदेश दिएको उनले जानकारी दिए।

आर्थिक अपचलनको आरोपमा शेरचनलाई मंसिर १४ गते सिआइबीले बैंकको केन्द्रीय कार्यालय बबरमहलबाट नियन्त्रणमा लिएको थियो। प्रवक्ता श्रेष्ठका अनुसार शेरचन तारिखमा रिहा भएका हुन् र अब उनीमाथि बाहिरबाटै थप अनुसन्धान गरिनेछ।