काठमाडौँ। नेपाल एसबिआई बैंक लिमिटेडले आफ्नो सामाजिक उत्तरदायित्व (CSR) अन्तर्गत नेपाल बाल संगठन, बाल मन्दिर, नक्साल, काठमाडौँ मा सहयोग कार्यक्रम आयोजना गरेको छ।

उक्त कार्यक्रमअन्तर्गत बाल मन्दिरमा आश्रित बालबालिकाहरूको शैक्षिक, स्वास्थ्य तथा दैनन्दिन आवश्यकतामा सहयोग प्रदान गरिएको बैंकले जनाएको छ। सामाजिक सेवामार्फत समुदायप्रतिको दायित्व पूरा गर्ने उद्देश्यले यस्तो कार्यक्रम सञ्चालन गरिएको बैंकको भनाइ छ।

कार्यक्रममा नेपाल एसबिआई बैंकका प्रतिनिधिहरू तथा नेपाल बाल संगठनका पदाधिकारीहरूको उपस्थिति रहेको थियो। सो अवसरमा बालबालिकाहरूको समग्र विकासमा सहयोग पुर्‍याउने खालका कार्यक्रमलाई निरन्तरता दिने प्रतिबद्धता बैंकले व्यक्त गरेको छ।

नेपाल एसबिआई बैंकले यसअघि पनि शिक्षा, स्वास्थ्य, वातावरण तथा सामाजिक सशक्तीकरणका क्षेत्रमा विभिन्न सामाजिक उत्तरदायित्व कार्यक्रमहरू सञ्चालन गर्दै आएको जनाएको छ।