ECAN केन्द्रीय कार्यसमिति सदस्य पदमा दिनेश पौडेलको उम्मेदवारी घोषणा

काठमाडौँ । बौद्ध कन्सल्टेन्सीका सञ्चालक दिनेश पौडेलले आगामी ECAN निर्वाचनमा केन्द्रीय ECAN कार्यसमिति सदस्य पदका लागि आफ्नो उम्मेदवारी घोषणा गर्नुभएको छ।

सन् २०१५ देखि ECAN सँग सक्रिय रूपमा आबद्ध रहँदै आउनुभएका पौडेलले संस्थाको विकासमा विभिन्न नेतृत्व तथा सल्लाहकार भूमिकामार्फत योगदान गर्दै आउनुभएको छ। उहाँ ECAN रुपन्देही समन्वय समितिका संस्थापक हुनुका साथै ECAN रुपन्देहीको कार्यसमिति सदस्य, एक कार्यकालका लागि सल्लाहकार तथा UK विभाग प्रमुखको जिम्मेवारी समेत सम्हालिसक्नुभएको छ।

क्षेत्रीय तथा केन्द्रीय तहमा प्राप्त अनुभवका आधारमा ECAN को संस्थागत विकास, पारदर्शिता र व्यावसायिक सुदृढीकरणमा प्रभावकारी योगदान दिन सक्ने विश्वास पौडेलले व्यक्त गर्नुभएको छ। सबै सदस्यहरूको हितलाई केन्द्रमा राख्दै सशक्त, प्रभावकारी र समावेशी ECAN निर्माणका लागि सहकार्य गर्ने आफ्नो स्पष्ट दृष्टिकोण रहेको उहाँको भनाइ छ।

उहाँले यस निर्वाचनमा ECAN सदस्यहरूको अमूल्य समर्थन, साथ र विश्वासको अपेक्षा समेत गर्नुभएको छ।