काठमाडौँ। एनएमबि बैंक लिमिटेडको ३०औं वार्षिक साधारण सभा २०८२ पौष २४ गते, बिहीबार त्रिभुवन आर्मी अफिसर्स क्लब, टुँडिखेल, काठमाडौँमा सम्पन्न भएको छ। सभापति, बैंकका सञ्चालक समितिका अध्यक्ष श्री मनोज कुमार गोयलको अध्यक्षतामा सम्पन्न उक्त सभा बैंकका सञ्चालक, शेयरधनी तथा सरोकारवालाहरूको उपस्थितिमा आयोजित भएको थियो।

सभामा उपस्थित शेयरधनीहरूले बैंकका विविध पक्षमा आफ्ना विचार राख्दै छलफल गरेका थिए। आर्थिक वर्ष २०८१/८२ को मुनाफाबाट शेयरधनीलाई हाल कायम चुक्ता पुँजीको ५ प्रतिशत बोनस शेयर र ५ प्रतिशत नगद लाभांश (करसहित) वितरण गर्ने प्रस्ताव सर्वसम्मत पारित गरिएको छ।

बैंकले २०८२ आषाढ मसान्तसम्म २ अर्ब ८५ करोड खुद नाफा आर्जन, २८३.६५ अर्ब निक्षेप संकलन र २४३.३ अर्ब कर्जा प्रवाह गरेको वित्तीय विवरण सार्वजनिक गरेको छ। हाल बैंकले देशभर २०२ शाखा, १८४ एटिएम र ९ एक्सटेन्सन काउन्टर मार्फत सेवा प्रदान गर्दै आएको छ।