कास्की। कामना सेवा विकास बैंक लिमिटेडले आफ्नो संस्थागत सामाजिक उत्तरदायित्व (CSR) कार्यक्रम अन्तर्गत अन्नपूर्ण–३, पाउँदुर, कास्कीस्थित श्री लक्ष्मी आधारभूत विद्यालयलाई शैक्षिक सामग्री वितरण गरेको छ।

बैंकका पोखरा क्षेत्र प्रमुख शिब कुमार ढकालले विद्यालयका प्रधानाध्यापक तारा नाथ पौडेललाई स्टेशनरी तथा शैक्षिक सामग्री हस्तान्तरण गर्नुभएको थियो। कार्यक्रममा बोल्दै प्रधानाध्यापक पौडेलले सामाजिक–आर्थिक रूपमा पिछडिएको र गरिब विद्यार्थीहरूको शैक्षिक पहुँचमा बैंकको सहयोगले सकारात्मक प्रभाव पार्ने विश्वास व्यक्त गर्नुभयो। उहाँले बैंकको सहयोगले विद्यार्थीहरूलाई अध्ययनमा थप प्रेरणा मिल्ने पनि बताउनुभयो।

उक्त कार्यक्रममा बैंकका कर्मचारीहरू, विद्यालयका प्रधानाध्यापक, शिक्षक, विद्यार्थी तथा अभिभावकहरूको उल्लेखनीय उपस्थिती रहेको थियो। बैंकले आगामी दिनहरूमा पनि सरोकारवालासँग समन्वय र सहकार्यमा यस्ता सामाजिक उत्तरदायित्व कार्यक्रमलाई निरन्तरता दिने योजना रहेको जानकारी दिएको छ।