काठमाडौं। हिमालयन एभरेष्ट इन्स्योरेन्सले आफ्नो ३२ औँ वार्षिक साधारणसभा भोलि माघ ६ गते आयोजना गर्ने भएको छ। सभा काठमाडौंको शंखमूलस्थित अनमोल ब्यांक्वेटमा बिहान ११ बजेबाट सुरु हुनेछ।

कम्पनीले लाभांश तथा साधारणसभा प्रयोजनका लागि पुस २१ गते बुक–क्लोज गरिसकेको छ। उक्त मितिभन्दा अघिसम्म शेयर कायम भएका शेयरधनीहरू मात्र सभामा सहभागी हुन र लाभांश प्राप्त गर्न योग्य हुनेछन्।

साधारणसभाले आर्थिक वर्ष २०८१/८२ का लागि प्रस्तावित ८ प्रतिशत नगद लाभांश पारित गर्नेछ।
कम्पनीको हाल कायम चुक्तापुँजी २ अर्ब ५० करोड १ लाख ५७ हजार ४०० रुपैयाँको आधारमा यो २० करोड १२ हजार ९९२ रुपैयाँ बराबरको लाभांश हुनेछ (करसहित)।

सभा क्रममा सो आर्थिक वर्षको वार्षिक प्रतिवेदन, आर्थिक विवरण, तथा लेखापरीक्षकको प्रतिवेदन अनुमोदन गरिनेछ। साथै चालु आर्थिक वर्ष २०८२/८३ का लागि लेखापरीक्षकको नियुक्ति तथा पारिश्रमिक निर्धारण सम्बन्धी प्रस्ताव पनि पारित गरिने छ।