काठमाडौं। ओप्पो नेपालले आफ्नो लोकप्रिय रेनो सिरिज अन्तर्गतको नयाँ फ्ल्यागशिप स्मार्टफोन ओप्पो रेनो १५ फाइभ जी नेपाली बजारमा औपचारिक रूपमा सार्वजनिक गरेको छ। कम्पनीले यस स्मार्टफोनमार्फत प्रिमियम स्मार्टफोन खण्डमा आफ्नो उपस्थितिलाई थप मजबुत बनाउने लक्ष्य राखेको जनाएको छ।

आधुनिक प्रविधि, आकर्षक डिजाइन र प्रयोगकर्ता–केन्द्रित विशेषतासहित प्रस्तुत गरिएको ओप्पो रेनो १५ फाइभ जी ले उच्चस्तरीय स्मार्टफोन अनुभव प्रदान गर्ने कम्पनीको दाबी छ।

यस स्मार्टफोनमा ६।५९ इन्चको फुल एचडी प्लस एमोलेड डिस्प्ले उपलब्ध छ, जसमा १२० हर्ज रिफ्रेस रेट रहेको छ। यसले प्रयोगकर्तालाई स्पष्ट, उज्यालो तथा स्मूथ दृश्य अनुभव प्रदान गर्ने बताइएको छ। स्मार्टफोन क्वालकम स्न्यापड्रागन ७ जेन ४ मोबाइल प्लेटफर्मद्वारा सञ्चालित रहेकोले दैनिक प्रयोगदेखि मल्टिटास्किङसम्म स्थिर र प्रभावकारी कार्यसम्पादन सुनिश्चित हुने कम्पनीको भनाइ छ।

ओप्पो रेनो १५ फाइभ जी मा ६५०० एमएएच क्षमताको शक्तिशाली ब्याट्री समावेश गरिएको छ, जसलाई ८० वाट सुपरभुक द्रुत चार्जिङ प्रविधिले छोटो समयमा चार्ज गर्न सहयोग गर्दछ।

फोटोग्राफी पक्षलाई विशेष प्राथमिकता दिँदै स्मार्टफोनमा अप्टिकल इमेज स्टेबलाइजेसन ९ओआईएस० सहितको ५० मेगापिक्सेल मुख्य क्यामेराको नेतृत्वमा ट्रिपल रियर क्यामेरा सेटअप दिइएको छ। यसमा ५० मेगापिक्सेल टेलिफोटो क्यामेरा र ८ मेगापिक्सेल अल्ट्रा–वाइड क्यामेरा समावेश गरिएको छ। सेल्फी तथा भिडियो सामग्री निर्माणका लागि अगाडीतर्फ ४ के भिडियो रेकर्डिङ समर्थन गर्ने ५० मेगापिक्सेल अल्ट्रा–वाइड फ्रन्ट क्यामेरा उपलब्ध छ।

स्मार्टफोनको औपचारिक सार्वजनिक कार्यक्रम काठमाडौंमा आयोजना गरिएको थियो। कार्यक्रममा सञ्चारकर्मी, उद्योग साझेदार तथा प्रविधि क्षेत्रका विभिन्न व्यक्तित्वहरूको उल्लेखनीय सहभागिता रहेको थियो। सहभागीहरूले स्मार्टफोनका प्रमुख विशेषता, निर्माण गुणस्तर तथा प्रयोग अनुभव प्रत्यक्ष रूपमा अवलोकन गर्ने अवसर प्राप्त गरेका थिए।

डिस्प्लेले १।०७ अर्ब रङ समर्थन गर्ने, १२०० निट्ससम्मको उच्च चमक दिने तथा गोरिल्ला ग्लास सेभेन आइ सुरक्षा प्रदान गर्ने कम्पनीले जनाएको छ। स्मार्टफोन कलरओएस १६ मा आधारित रहेको छ र यसमा इन–डिस्प्ले फिङ्गरप्रिन्ट तथा फेस अनलक सुविधा उपलब्ध छ।

यसका साथै, ५ जी नेटवर्क समर्थन, वाइफाइ सिक्स, ब्लुटुथ ५।४, इन्फ्रारेड रिमोट तथा डुअल नानो सिम सुविधाले स्मार्टफोनलाई भविष्य–तैयार उपकरणका रूपमा प्रस्तुत गरेको कम्पनीको भनाइ छ।

ओप्पो रेनो १५ फाइभ जी नेपालभर रहेका ओप्पोका अधिकृत स्टोर तथा साझेदार च्यानलमार्फत उपलब्ध हुने कम्पनीले जनाएको छ।