काठमाडौँ । महाशिवरात्रिको विशेष अवसर पारेर डिशहोम ले ग्राहक लक्षित आकर्षक इन्टरनेट अफर सार्वजनिक गरेको छ। “Maha Shivarati Special Offer” नाम दिइएको उक्त योजनाअन्तर्गत कम्पनीले १००, २०० र ३०० Mbps गतिको वार्षिक प्याकेजमा विशेष छुट उपलब्ध गराउने जनाएको छ।

कम्पनीका अनुसार चयनित प्याकेज जडान गर्ने ग्राहकले Internet Free 4K Streamer समेत निःशुल्क प्राप्त गर्नेछन्। यस सुविधामार्फत प्रयोगकर्ताले उच्च गुणस्तरको ४के सामग्री सहज रूपमा स्ट्रिम गर्न सक्ने बताइएको छ। उच्च गतिको इन्टरनेटका कारण एउटै समयमा धेरै डिभाइस प्रयोग गर्दा पनि सेवा अवरोध नहुने कम्पनीको दाबी छ।

महाशिवरात्रिमा घरमै बसेर अनलाइन पूजा–पाठ, धार्मिक कार्यक्रमको प्रत्यक्ष प्रसारण, चलचित्र तथा अन्य डिजिटल सामग्री हेर्न सहज होस् भन्ने उद्देश्यले अफर ल्याइएको कम्पनीले जनाएको छ। साथै, विद्यार्थी र वर्क–फ्रम–होम प्रयोगकर्तालाई समेत लक्षित गर्दै स्थिर र भरपर्दो इन्टरनेट अनुभव प्रदान गर्ने लक्ष्य रहेको उल्लेख गरिएको छ।

यो अफर सीमित अवधिका लागि मात्र लागू हुने कम्पनीले स्पष्ट पारेको छ। इच्छुक ग्राहकले नजिकैको आधिकारिक डिलर वा ग्राहक सेवा केन्द्रमार्फत विस्तृत जानकारी लिन सक्नेछन्।