काठमाडौं। नेपालका लागि टाटा मोटर्स का आधिकारिक बिक्रेता सिप्रदी ट्रेडिङ प्रालि ले फेब्रुअरी महिनालाई लक्षित गर्दै आफ्नो लोकप्रिय इलेक्ट्रिक कार टाटा पन्च.ईभी मा विशेष योजना सार्वजनिक गरेको छ।

कम्पनीका अनुसार, यस योजनाअन्तर्गत फेब्रुअरी महिनाभर पन्च.ईभी खरिद गर्ने ग्राहकले भविष्यमा गाडी बेच्दा खरिद मूल्यको ७० प्रतिशत सुनिश्चित रिसेल मूल्य पाउनेछन्। यो सुविधा विशेषगरी पन्च.ईभी खरिदमा मात्र लागू हुनेछ।

सिप्रदी ट्रेडिङले जनाएको छ कि योजना ल्याउनुको मुख्य उद्देश्य ग्राहकले भविष्यमा गाडी बेच्दा उचित मूल्य प्राप्त गर्न सकून् भन्ने हो। फेब्रुअरी महिनाभर पन्च.ईभी खरिद गर्ने ग्राहकले भविष्यमा टाटाको अन्य गाडी साट्दा पनि ७० प्रतिशत सुनिश्चित रिसेल पाउनेछन्। यसले ग्राहकमा आत्मविश्वास थपिने कम्पनीको अपेक्षा छ।

यो स्किमको विस्तृत जानकारी नेपालभरिका टाटा शो रुमहरूमा उपलब्ध छ। पन्च.ईभी आधुनिक प्रविधि र प्रिमियम फिचर्ससहित नेपाली बाटोलाई अनुकूल भएकाले ग्राहकहरू माझ लोकप्रिय छ। सिप्रदी ट्रेडिङ प्रालिले विश्वास व्यक्त गरेको छ कि फेब्रुअरी महिनाभित्र गाडी खरिद गर्ने ग्राहकले भविष्यमा उचित रिसेल मूल्य पाउने हुँदा आर्थिक रूपमा ठूलो लाभ लिन सक्नेछन्।