काठमाडौं। पियाजियोले भेस्पाको विशेष संस्करण अफिसिना ८ लन्च गरेको छ । विशेष संस्करण स्कुटर १२५ सीसी र १५० सीसी दुवै पावरट्रेनमा उपलब्ध रहने जनाइएको छ । यस स्कुटरको सुरुवाती मूल्य १ लाख ३४ हजार भारु निर्धारण गरिएको छ ।

सो नयाँ स्कुटरमा म्याट मेटालिक ब्लू कलर सहितको आकर्षक स्टील बडी दिइएको छ । स्कुटरमा मेटालिक रिभेट्स र बडीमा ब्रास तथा एल्युमिनियम टोन समेत उपलब्ध गराइएको छ ।

कम्पनीले अफिसिना ८ कै लागि भनेर विशेष एसेसोरिज र मर्चेन्डाइज समेत ल्याएको छ । जसमा स्कुटरको कलरसँग मिल्ने हेलमेट, एउटै म्याट शेडमा फिनिश गरिएको टप बक्स, विन्ड ब्रेकर, हुडी, टी–शर्ट, ब्याकप्याक र अफिसिना ८ चिन्ह भएको की चेनहरु समावेश छन् ।