काठमाडौँ । बजाजले आफ्नो लोकप्रिय मोटरसाइकल पल्सर १५० को नयाँ संस्करण नेपाली बजारमा सार्वजनिक गरेको छ। आधुनिक डिजाइन, उन्नत प्रविधि र उत्कृष्ट कार्यक्षमतासहित आएको नयाँ पल्सर १५० ले नेपाली मोटरसाइकल बजारमा नयाँ उत्साह थप्ने विश्वास कम्पनीले व्यक्त गरेको छ।

नयाँ संस्करणको पल्सर १५० मा आकर्षक नयाँ ग्राफिक्स, शक्तिशाली एफआई बीएस–६ इन्जिन, सिङ्गल च्यानल एबीएस, एलईडी हेडल्याम्प तथा ब्लुटुथ सपोर्टसहितको फुल डिजिटल कन्सोल जस्ता आधुनिक फिचरहरू समावेश गरिएको छ। यी विशेषताले मोटरसाइकललाई अझ सुरक्षित, स्मार्ट र प्रयोगमैत्री बनाउने कम्पनीको भनाइ छ।

यो मोटरसाइकलमा प्रयोग गरिएको इन्धन इन्जेक्सन (एफआई) प्रविधिले राम्रो माइलेज र सहज प्रदर्शन प्रदान गर्ने अपेक्षा गरिएको छ। त्यसैगरी एबीएस प्रणालीले ब्रेकिङलाई अझ सुरक्षित बनाउनेछ भने डिजिटल कन्सोलले राइडिङ अनुभवलाई आधुनिक बनाउने छ।

कम्पनीका अनुसार नयाँ पल्सर १५० नेपालभरका बजाजका आधिकारिक शोरुममार्फत उपलब्ध गराइएको छ। मोटरसाइकलको प्रारम्भिक मूल्य रु. ३ लाख ५५ हजार ९ सय तोकिएको छ। नेपालमा हंसराज हुलासचन्द एण्ड कम्पनी प्रा.लि.ले बजाज मोटरसाइकलको आधिकारिक वितरकका रूपमा सेवा दिँदै आएको छ।

त्यस्तै नागरिकताको आधारमै फाइनान्स गर्न सकिने भएकाले पहिले झैँ घरजग्गाको लालपुर्जा, बिजुली वा पानीको बिल, आयस्रोतको प्रमाणपत्रजस्ता कागजात आवश्यक नपर्ने बताइएको छ। शून्य सर्भिस चार्ज र सरल किस्ताबन्दी सुविधासहित ग्राहकले अन–द–स्पट फाइनान्समार्फत सहज रूपमा मोटरसाइकल खरिद गर्न सक्ने छन्।

कम्पनीले नयाँ पल्सर १५० को आगमनसँगै नेपाली युवा तथा मोटरसाइकल पारखीहरूले अझ शक्तिशाली, स्टाइलिस र प्रविधिमैत्री राइडिङ अनुभव पाउने विश्वास व्यक्त गरेको छ। इच्छुक ग्राहकहरूले नजिकैको बजाज शोरुममा पुगेर मोटरसाइकलका बारेमा थप जानकारी लिन तथा टेस्ट राइड गर्न सक्ने छन्।