काठमाडौं । ललितपुर निर्वाचन क्षेत्र नं. २ मा राष्ट्रिय स्वतन्त्र पार्टी (रास्वपा) का उम्मेदवार जगदिश खरेल विजयी भएका छन्। अन्तरिम सरकारका सञ्चारमन्त्रीसमेत रहेका खरेलले ३९ हजार ४९१ मत प्राप्त गर्दै निर्वाचन जितेका हुन्।

उनका निकटतम प्रतिस्पर्धी नेपाली कांग्रेसका प्रेमकृष्ण महर्जनले ७ हजार ४२० मत प्राप्त गरेका छन्। त्यसैगरी राजाराम तण्डुकारले ५ हजार ५४७, नेकपा (एमाले) का प्रेमबहादुर महर्जनले ४ हजार ५३६ मत प्राप्त गरेका छन्।

यस्तै, राष्ट्रिय प्रजातन्त्र पार्टी (राप्रपा) का रघुवर राज थापाले १ हजार ७६० मत, नेकपाका राजेन्द्र अमात्यले १ हजार २१७ मत तथा श्रम संस्कृतिका सरोज राईले ६०८ मत प्राप्त गरेका छन्।

खरेलको विजयसँगै ललितपुर–२ मा रास्वपाले उल्लेखनीय मतान्तरसहित जित हासिल गरेको छ।