काठमाडौं । बुधवार शेयर बजार उच्च अंकले घटेको छ। शेयर बजार ४६.७८ अंकले घटेर २ हजार ७९६ बिन्दुमा कायम भएको छ।

आजको कारोबारमा ३४ कम्पनीको शेयर मूल्य बढेको छ भने २२५ कम्पनीको शेयर मूल्य घटेको छ। त्यस्तै ३ कम्पनीको शेयर मूल्य स्थिर रहेको छ। यस दिन कुल १३ अर्ब १८ करोड रुपैयाँ बराबरको शेयर कारोबार भएको छ।

उच्च अंकले घटेको बजारमा सालपा विकास बैंकका लगानीकर्ताले सबैभन्दा धेरै कमाएका छन्। उक्त कम्पनीको शेयर मूल्य १० प्रतिशतले बढेको छ।

त्यसैगरी कालिका पावरका लगानीकर्ताले सबैभन्दा धेरै गुमाएका छन्। उक्त कम्पनीको शेयर मूल्य ८.४७ प्रतिशतले घटेको छ।