काठमाडौं । सीजी इलेक्ट्रोनिक्सअन्तर्गतको विश्वसनीय ब्रान्ड सेन्सेइले ग्राहकलाई लक्षित गर्दै विशेष एसी सेवा तथा साटासाट अभियान सार्वजनिक गरेको छ। यस अभियानअन्तर्गत ग्राहकहरूले निःशुल्क एसी सेवा, आकर्षक साटासाट सुविधा तथा नयाँ सेन्सेइ एसी खरिदमा विशेष छुट प्राप्त गर्न सक्नेछन्।

बढ्दो गर्मी मौसमलाई ध्यानमा राख्दै सुरु गरिएको यस अभियानले उपभोक्तालाई सहज, किफायती तथा गुणस्तरीय सेवा उपलब्ध गराउने लक्ष्य राखिएको कम्पनीले जनाएको छ।

अभियानअन्तर्गत ग्राहकहरूले आफ्नो पुरानो एसीको सेवा गराउँदा सेवा शुल्क पूर्ण रूपमा निःशुल्क पाउनेछन् भने आवश्यक पर्ने पुर्जामा ५० प्रतिशतसम्म छुट प्राप्त गर्न सक्नेछन्। साथै, नयाँ सेन्सेइ एसी खरिद गर्ने ग्राहकलाई २० प्रतिशतसम्म विशेष छुट उपलब्ध गराइनेछ।

त्यसैगरी, जुनसुकै कम्पनीको पुरानो एसी साटेर नयाँ सेन्सेइ एसी लिन सकिने व्यवस्था गरिएको छ। यस साटासाट योजनामा ग्राहकहरूले ५० प्रतिशतसम्म अतिरिक्त मूल्याङ्कन प्राप्त गर्न सक्नेछन्।

यस अभियानअन्तर्गत सेन्सेइ एसी खरिद गर्ने ग्राहकलाई चार हजार रुपैयाँ बराबरको निःशुल्क जडान सुविधा प्रदान गरिनेछ। साथै, साटासाट गर्ने ग्राहकलाई तीन हजार रुपैयाँ बराबरका दुई वटा सेवा कुपन पनि निःशुल्क उपलब्ध गराइने कम्पनीले जनाएको छ, जुन छ महिनासम्म मान्य रहनेछ।

सेन्सेइका एसीहरू आधुनिक प्रविधि र उत्कृष्ट कार्यक्षमताका लागि परिचित छन्। यी एसीमा इनभर्टर कम्प्रेसर, रूपान्तरणयोग्य प्रविधि, वाइफाइमार्फत नियन्त्रण, तीन तहको हावा फिल्टर, कम भोल्टेजमै सुरु हुने प्रणाली तथा चार दिशामा हावा प्रवाह हुने सुविधा जस्ता आधुनिक प्रविधि समावेश गरिएको छ। यसले ऊर्जा बचतसँगै उच्चस्तरीय चिस्यान अनुभव प्रदान गर्ने कम्पनीको दाबी छ।

कम्पनीका अनुसार सेन्सेइका एसीहरू नेपाली उपभोक्ताको आवश्यकता अनुसार डिजाइन गरिएका छन्, जसले कम भोल्टेजमा पनि सहज रूपमा सञ्चालन हुने तथा घर र कार्यालय दुवैका लागि उपयुक्त समाधान प्रदान गर्नेछन्।

नयाँ एसी खरिदलाई अझ सहज बनाउन कम्पनीले किस्ताबन्दी सुविधा पनि उपलब्ध गराएको जनाएको छ। यस सुविधामार्फत ग्राहकहरूले लचिलो भुक्तानी योजनासहित नयाँ सेन्सेइ एसी सजिलै खरिद गर्न सक्नेछन्।

निःशुल्क एसी सेवा तथा अभियानसम्बन्धी सुविधा लिन चाहने ग्राहकहरूले आधिकारिक क्यूआर कोड स्क्यान गरेर वा सेवा हटलाइन १६६–००–१०२–२११, १६६–००–१००–२११ तथा ०१–५९७०१२२ मा सम्पर्क गरी दर्ता गर्न सक्नेछन्।

यो विशेष अभियान फागुन २४ गतेदेखि सीमित अवधिका लागि सञ्चालन हुने कम्पनीले जनाएको छ। ग्राहकहरूले देशभरका आधिकारिक विक्रेतामार्फत सेन्सेइ एसी खरिद गर्न सक्नेछन्।