काठमाडौं । टीसीएल नेपालले गर्मी मौसमलाई ध्यानमा राख्दै ग्राहकहरूका लागि विशेष एसी सेवा अभियान सुरु गरेको छ। कम्पनीले फागुन २४ गतेदेखि सीमित अवधिका लागि निःशुल्क एसी मर्मत सेवा, पुरानो एसी साट्ने सुविधा तथा विभिन्न छुटसहितको योजना सञ्चालनमा ल्याएको जनाएको छ।

कम्पनीका अनुसार अभियानअन्तर्गत ग्राहकहरूले जुनसुकै कम्पनीका एसीको निःशुल्क जाँच तथा मर्मत सेवा गराउन सक्नेछन्। साथै, पुरानो एसी साटेर नयाँ टीसीएल एसी खरिद गर्दा ५० प्रतिशतसम्म बढी मूल्याङ्कन पाइने र नयाँ एसीमा २० प्रतिशतसम्म छुट उपलब्ध हुने बताइएको छ।

नयाँ एसी खरिद गर्ने ग्राहकहरूलाई करिब चार हजार रुपैयाँ बराबरको निःशुल्क जडान सेवा पनि उपलब्ध गराइने कम्पनीले जनाएको छ। पुरानो एसी साट्ने ग्राहकहरूले तीन हजार रुपैयाँसम्म मूल्यका दुईवटा निःशुल्क सेवा कुपन प्राप्त गर्नेछन्। साथै, एसी मर्मत गर्दा आवश्यक पर्ने पुर्जा (स्पेयर पार्ट्स) मा ५० प्रतिशतसम्म छुट दिइने व्यवस्था गरिएको छ।

ग्राहकहरूले यस अभियानमा सहभागी हुन टोल–फ्री नम्बर १६६–००–१००–२११ वा १६६–००–१०२–२११ मा सम्पर्क गर्न सक्नेछन्। साथै कम्पनीको आधिकारिक वेबसाइटमार्फत पनि आफ्नो पुरानो एसीको मूल्याङ्कन गर्न सकिनेछ।

रजिस्ट्रेशन गरेपछि कम्पनीका प्राविधिक टोली ग्राहकको घरमै पुगेर सेवा प्रदान गर्ने व्यवस्था गरिएको कम्पनीले जनाएको छ। कम्पनीका अनुसार सेवा सुविधा कम्पनीका नियम तथा शर्तअनुसार लागू हुनेछ र अभियान सीमित अवधिसम्म मात्र सञ्चालन हुनेछ।

टीसीएल नेपालले यस अभियानमार्फत ग्राहकहरूलाई गर्मी मौसमका लागि तयारी गर्न सहज र सुलभ सेवा उपलब्ध गराउने विश्वास व्यक्त गरेको छ।