काठमाडौं। नेपालको अग्रणी इलेक्ट्रोनिक्स कम्पनी CG Electronics ले गर्मी मौसम सुरु हुनुअघि ग्राहक सुविधाका लागि निःशुल्क एसी सेवा शिविर र साटासाट योजना सार्वजनिक गरेको छ। यस योजनाअन्तर्गत ग्राहकले जुनसुकै ब्रान्डको एसी पनि ल्याएर निःशुल्क सेवा गराउन सक्नेछन्।

योजनाअन्तर्गत मर्मतका क्रममा आवश्यक पर्ने पुर्जामा ५०% सम्म छुट दिइनेछ। साथै, पुरानो एसी साटेर नयाँ सीजी मेरिडिया एसी खरिद गर्दा ५०% सम्म अतिरिक्त मूल्याङ्कन प्राप्त हुनेछ। नयाँ एसी खरिदमा २०% सम्म छुट पनि उपलब्ध हुनेछ।

नयाँ एसी खरिद वा साटासाट गर्दा चार हजार रुपैयाँ बराबरको जडान शुल्क निःशुल्क हुनेछ। साटासाट गर्ने ग्राहकलाई छ महिनासम्म मान्य हुने तीन हजार रुपैयाँ बराबरका दुई वटा सेवा कुपन उपहारस्वरूप दिइनेछ।

सीजी मेरिडियाका एसीहरूमा डिजिटल इनभर्टर कम्प्रेसर, IoT प्रविधि र Healthy Filter जस्ता सुविधाहरू रहेका छन्। कम्पनीले कम्प्रेसरमा १० वर्षको वारेन्टी पनि उपलब्ध गराएको छ। आर्थिक भार कम गर्न ग्राहकले नागरिकता मात्र पेश गरेर ‘०% EMI’ मा पनि खरिद गर्न सक्नेछन्।

यो योजना फागुन २४ गतेदेखि सीमित अवधिका लागि नेपालभरका प्रमुख आउटलेटहरूमा लागू भएको छ। थप जानकारीका लागि ग्राहकहरूले टोल–फ्री नम्बर १६६–००–१०२–२११ वा १६६–००–१००–२११ मा सम्पर्क गर्न सक्नेछन्।

चार दशकभन्दा बढी समयदेखि नेपाली बजारमा अग्रणी रहेको सीजी इलेक्ट्रोनिक्सले गुणस्तरीय उत्पादन र बिक्रीपछिको उत्कृष्ट सेवामार्फत लाखौं परिवारको विश्वास जितेको छ। कम्पनीले देशभर २१ शोरुम र ४० सेवा केन्द्रमार्फत ग्राहकलाई सेवा प्रदान गर्दै आएको छ।

साथै, ग्राहकको सुविधा बढाउन कम्पनीले आधिकारिक वेबसाइट cgdigital.com.np मार्फत अनलाइन बिक्री सेवा पनि उपलब्ध गराएको छ।