काठमाडौँ । एभरेष्ट बैंकले वि.सं. २०८३ सालको नयाँ कर्पोरेट क्यालेन्डर सार्वजनिक गरेको छ। बैंकले लामो समयदेखि नेपालको धर्म, संस्कृति, पर्यटन तथा पुरातात्विक महत्वका विषयवस्तु समेटेर क्यालेन्डर प्रकाशन गर्दै आएको छ।

यस वर्षको क्यालेन्डर “नेपालको विकास यात्राः नवप्रवर्तनका आयामहरू” शीर्षकमा आधारित रहेको छ। यसमा उन्नाइसौँ शताब्दीको मध्यदेखि सुरु भएको नेपालको विकास यात्रालाई समेटिएको छ, जसलाई महादेशीय दृष्टिकोणले समेत महत्त्वपूर्ण मानिन्छ।

एक विशेष समारोहमा बैंकका सञ्चालक समितिका अध्यक्ष डा. बालगोपाल वैद्यले क्यालेन्डर अनावरण गर्नुभयो। कार्यक्रममा बैंकका सञ्चालकहरू तथा अन्य उच्च पदस्थ अधिकारीहरूको उपस्थिति रहेको थियो।

हाल बैंकका करिब १४ लाखभन्दा बढी ग्राहक रहेका छन्। देशभर १३३ शाखा सञ्जाल, ४ एक्सटेन्सन काउन्टर, ७ प्रादेशिक कार्यालय र १६३ एटिएममार्फत सेवा प्रदान गर्दै आएको छ।

विश्वव्यापी नेटवर्कमार्फत मोबाइल, इन्टरनेट र एसएमएस बैंकिङ सुविधा उपलब्ध गराउँदै आएको बैंकले नेपाल सरकारको राजस्व सङ्कलनका लागि ३३ वटा सङ्कलन केन्द्रमार्फत सेवा दिँदै आएको छ। साथै, भारतको नयाँ दिल्ली लगायत अन्य मुलुकमा पनि आफ्नो प्रतिनिधि कार्यालय स्थापना गरी सेवा विस्तार गर्दै आएको छ।