काठमाडौं। नेपालका लागि एथर ईभी स्कुटरको आधिकारिक वितरक वैद्य इनर्जी प्रालिले नयाँ इलेक्ट्रिक स्कुटर एथर रिज्टा एस सार्वजनिक गर्ने तयारी गरेको जनाएको छ। कम्पनीले आगामी मार्च २७ (चैत १३) मा उक्त स्कुटर औपचारिक रूपमा सार्वजनिक गर्ने घोषणा गरेको हो।

यसअघि कम्पनीले गत वर्ष नाइमा मोबिलिटी एक्सपोमार्फत एथर रिज्टा जेड सार्वजनिक गरेको थियो। एथर ब्रान्डप्रति सकारात्मक प्रतिक्रिया र बढ्दो पेट्रोलियम मूल्यका कारण नयाँ मोडलले बजारमा महत्वपूर्ण भूमिका खेल्ने अपेक्षा गरिएको छ।

कम्पनीका अनुसार रिज्टा एसलाई नेपाली परिवारको आवश्यकता ध्यानमा राखी डिजाइन गरिएको छ। यसले प्रिमियम आराम, दैनिक प्रयोगमा सहजता र किफायती मूल्य प्रदान गर्ने लक्ष्य राखेको छ, जसले विद्युतीय सवारीतर्फको रूपान्तरणलाई अझ तीव्र बनाउने विश्वास लिइएको छ।

ग्राहकहरूले केवल ९९९ रुपैयाँमा स्कुटर बुक गर्न सक्नेछन्, जुन पूर्ण रूपमा फिर्ता योग्य हुनेछ। प्रारम्भिक बुकिङ गर्ने ग्राहकहरूले विशेष परिचयात्मक मूल्यको लाभ समेत पाउने कम्पनीले जनाएको छ।

प्राविधिक विशेषताअनुसार, एथर रिज्टा एसले सिंगल चार्जमा १२३ किलोमिटरसम्मको रेन्ज दिन्छ भने फास्ट चार्जिङमार्फत १० मिनेटमै १५ किलोमिटर थप दूरीका लागि चार्ज गर्न सकिन्छ। यसमा ३४ लिटरको अन्डरसिट स्टोरेज, ८० किमी/घण्टासम्मको गति, रिभर्स मोड, अटो होल्ड र पार्क असिस्टजस्ता सुविधाहरू उपलब्ध छन्।

साथै, स्कुटरमा ५ वर्षसम्मको विस्तारित ब्याट्री वारेन्टीसमेत दिइने भएको छ, जसले ग्राहकलाई दीर्घकालीन विश्वसनीयता प्रदान गर्ने कम्पनीको दाबी छ।

वैद्य इनर्जी प्रालिका अनुसार एथर रिज्टा एस चैत १३ गतेदेखि देशभर आधिकारिक रूपमा उपलब्ध हुनेछ र एथर एक्सपिरियन्स सेन्टरमार्फत बिक्री वितरण गरिनेछ।