काठमाडौं। प्रभु बैंक लिमिटेडको कमलादी शाखाद्वारा “Smart Money Talks” भन्ने मूल नारासहित “ग्लोबल मनि विक – २०२६” अन्तर्गत प्रभातफेरी कार्यक्रम आयोजना गरी मनाइएको छ। कार्यक्रममा बैंकका प्रमुख कार्यकारी अधिकृत श्री सुमन शर्मासहित उच्च पदस्थ अधिकारी र कर्मचारीहरूको उल्लेखनीय उपस्थिती रहेको थियो।

प्रभातफेरी कमलादी शाखाबाट सुरु भई दरबारमार्ग, कमलपोखरी चोेक हुँदै पुनः कमलादी शाखामा समाप्त भएको थियो। कार्यक्रममा “Smart Money Talks” को मूल नारासहित वित्तीय सन्देशमूलक प्ले–कार्ड र ब्यानरहरू पनि प्रस्तुत गरिएको थियो।

प्रभु बैंक लिमिटेडले देशभर ३१२ शाखा कार्यालय, ३१० एटीएम र ७१ एक्सटेन्सन काउन्टरमार्फत करिब ३६ लाखभन्दा बढी ग्राहकहरूलाई “विश्वास लिन्छौं, विश्वास दिन्छौं” भन्ने मूल नारासहित बैंकिङ र वित्तीय सेवा प्रदान गर्दै आएको छ। बैंकले अत्याधुनिक प्रविधिको प्रयोगमार्फत गुणस्तरीय सेवा प्रवाह गर्दै प्रतिस्पर्धी रूपमा अगाडि बढिरहेको जनाएको छ।