काठमाडौं। एभरेष्ट बैंकले ‘Global Money Week 2026’को अवसरमा देशभर वित्तीय साक्षरता कार्यक्रम सञ्चालन गरेको छ।

नेपाल राष्ट्र बैंकको संयोजनमा चैत २ गतेदेखि ८ गतेसम्म सञ्चालन गरिएको सप्ताहव्यापी कार्यक्रमअन्तर्गत बैंकले सातै प्रदेशका शाखामार्फत विद्यालय तथा क्याम्पसहरूमा वित्तीय साक्षरता अभियान चलाएको जनाएको छ। कार्यक्रममार्फत ३ हजारभन्दा बढी विद्यार्थीहरूलाई वित्तीय ज्ञान प्रदान गरिएको बैंकले जनाएको छ।

कार्यक्रमका क्रममा केही विद्यार्थीहरूलाई बैंकका शाखा अवलोकन गराई बैंकिङ सेवा तथा प्रक्रियाबारे व्यावहारिक जानकारी समेत दिइएको थियो।

‘Smart Money Talks’ नाराका साथ सञ्चालन गरिएको कार्यक्रममा युवाहरूलाई वित्तीय ज्ञान, सीप र सकारात्मक मनोवृत्ति विकास, वित्तीय समावेशीकरण, सुरक्षित डिजिटल कारोबार तथा बैंकिङ सेवामा अपनाउनुपर्ने सावधानीबारे जानकारी गराइएको थियो।

हाल एभरेष्ट बैंकका करिब १४ लाख ग्राहक रहेका छन्। बैंकले देशभर १३३ शाखा, ४ एक्सटेन्सन काउन्टर, ७ प्रादेशिक कार्यालय र १६३ एटिएममार्फत सेवा दिँदै आएको छ। साथै, आधुनिक मोबाइल, इन्टरनेट र एसएमएस बैंकिङ सुविधा उपलब्ध गराउँदै आएको बैंकले नेपाल सरकारको राजस्व संकलनका लागि ३३ वटा केन्द्रमार्फत सेवा दिइरहेको जनाएको छ।

बैंकले भारतको नयाँ दिल्लीसहित अन्य मुलुकमा समेत आफ्नो सेवा विस्तार गर्दै आएको जनाएको छ।