काठमाडौं । देशको निर्जीवन बीमा क्षेत्रमा ३० वर्षदेखि सेवा प्रदान गर्दै आएको नेको इन्सुरेन्स लिमिटेडले नयाँ वर्ष २०८३ को डिजिटल क्यालेन्डर सार्वजनिक गरेको छ।

कम्पनीले ग्राहक सेवामा केन्द्रित हुँदै विभिन्न बीमा योजना, छिटो दाबी भुक्तानी तथा सेवामूलक गतिविधिहरू सञ्चालन गर्दै आएको जनाएको छ। साथै, विभिन्न समुदाय, विद्यालय तथा कलेजहरूमा बीमा सचेतना कार्यक्रम र अभिकर्ता तालिम सञ्चालन गरी आम जनमानसमा बीमा सम्बन्धी जानकारी फैलाउँदै आएको छ।

डिजिटल क्यालेन्डर नेपाल पञ्चाङ्ग निर्णायक समितिबाट स्वीकृति लिएर प्रकाशन गरिएको इन्सुरेन्सले कम्पनीले जनाएको छ। यो क्यालेन्डरमार्फत नयाँ वर्ष २०८३ का सार्वजनिक बिदा, पर्व, शुभ मुहूर्तलगायत महत्वपूर्ण जानकारी सहजै प्राप्त गर्न सकिनेछ।

कम्पनीले क्यालेन्डर प्रयोगलाई सहज बनाउन क्यूआर कोडसमेत सार्वजनिक गरेको छ। यो क्यूआर कोड स्क्यान गरी क्यालेन्डर हेर्न तथा डाउनलोड गर्न सकिने व्यवस्था गरिएको छ। क्यूआर कोड कम्पनीको सामाजिक सञ्जाल र वेबसाइटमार्फत उपलब्ध गराइएको छ।

कम्पनीले नयाँ वर्ष २०८३ को अवसरमा सबै नेपालीमा सुख, शान्ति र समृद्धिको कामना गर्दै हार्दिक शुभकामना व्यक्त गरेको छ।