काठमाडौँ । सानिमा बैंक लिमिटेड ले ‘केयर-एनपी ए (इशुअर)’ रेटिङ प्राप्त गरेको छ । बैंकले २०८२ साल चैत २ गते CARE Ratings Nepal बाट उक्त रेटिङ हासिल गरेको जनाएको छ ।

बैंकका अनुसार यस रेटिङले संस्थाको वित्तीय अवस्था मजबुत रहेको, दायित्व पूरा गर्ने क्षमता राम्रो रहेको तथा बैंकिङ सेवा विश्वसनीय र स्थिर रहेको संकेत गर्दछ । यसले सानिमा बैंकको जिम्मेवार बैंकिङप्रतिको प्रतिबद्धता पनि झल्काएको बैंकले जनाएको छ ।

हाल सानिमा बैंकका देशभर सातै प्रदेशमा १३४ वटा शाखा कार्यालय तथा १२८ वटा एटीएम सञ्चालनमा रहेका छन् । बैंकले आफ्नो सेवा सञ्जाल विस्तार गर्दै ग्राहकलाई सहज, सुरक्षित र आधुनिक बैंकिङ सेवा प्रदान गर्दै आएको छ ।

बैंकले आगामी दिनमा पनि गुणस्तरीय सेवा विस्तार गर्दै ग्राहकको विश्वास कायम राख्ने प्रतिबद्धता जनाएको छ ।