काठमाडौं । शंकर समूह अन्तर्गतको तथा नेपालमा टीभीएस मोटर नेपाल को आधिकारिक वितरक जगदम्बा मोटर्स ले भृकुटीमण्डप, काठमाडौंमा टीभीएस ग्रेट ग्रान्ड एक्सचेन्ज एण्ड फाइनान्स कार्निभल सुरु गरेको छ ।

उद्घाटन दिनमै ५०० भन्दा बढी आगन्तुकको सहभागिता रहेको थियो । आगन्तुकहरूले टीभीएसका विभिन्न दुईपाङ्ग्रे सवारी साधनहरूको अवलोकन गर्नुका साथै टेस्ट राइडमा सहभागी भई पुराना बाइक साट्ने विकल्पहरूबारे जानकारी लिएका थिए ।

कार्यक्रमको उद्घाटन जगदम्बा मोटर्सका अध्यक्ष साहिल अग्रवाल र कार्यकारी निर्देशक अखिल गुप्ताको उपस्थितिमा सम्पन्न भएको हो । कार्यक्रममा टीभीएस मोटर कम्पनीका कन्ट्री हेड अश्विन श्रीनिवासन, ब्रान्ड एम्बेसडर प्रदीप खड्का, क्रिकेट खेलाडी कुशल भुर्तेल तथा अन्य अतिथिहरूको पनि उपस्थिति रहेको थियो ।

कार्यक्रम अवधिभर विभिन्न मनोरञ्जनात्मक गतिविधिहरू सञ्चालन हुनेछन् । जसमा लाइभ स्टन्ट शो, जिमखाना च्यालेन्ज, अन्तरक्रियात्मक खेल, फूड स्टल तथा लगातार टेस्ट राइड सुविधा रहनेछ । साथै याबी द GOAT र DJ MXNISH को लाइभ प्रस्तुति पनि रहनेछ ।

कार्यक्रमका मुख्य आकर्षणमा उद्घाटन दिनमै ठूलो सहभागिता, सम्पूर्ण टीभीएस पोर्टफोलियोको प्रदर्शन, आकर्षक अफरहरू, बाइक एक्सचेन्ज सुविधा तथा तुरुन्तै फाइनान्स परामर्श सेवा रहेका छन् ।

कम्पनीका अध्यक्ष साहिल अग्रवालले ग्राहकलाई टीभीएसका सबै मोडेल र आकर्षक अफर एकै स्थानमा उपलब्ध गराउने उद्देश्यले कार्यक्रम आयोजना गरिएको बताए । त्यस्तै कार्यकारी निर्देशक अखिल गुप्ताले यो कार्निभलले ग्राहकलाई मूल्य र सहजता दुवै प्रदान गर्ने विश्वास व्यक्त गरे ।

जगदम्बा मोटर्सले चैत १६ सम्म भृकुटीमण्डपमा चल्ने उक्त कार्निभलमा सहभागी भई विशेष अफर, एक्सचेन्ज सुविधा तथा मनोरञ्जनात्मक गतिविधिको लाभ लिन सबैलाई आग्रह गरेको छ ।