काठमाडौं, नेपाल – १७ अप्रिल २०२६ – Yamaha Nepal ले आफ्नो आधिकारिक वितरक एम. ए. डब्लू. राइड्स प्रा. लि. मार्फत् भृकुटिमण्डप मा सञ्चालन भइरहेको ‘यामाहा ब्लु फेस्ट’ अन्तिम चरणमा पुगेको जनाएको छ। ‘ब्लु कोड नयाँ वर्ष योजना’ अन्तर्गत एकजना प्रमुख विजेताको घोषणा गर्दै कार्यक्रमको उत्साह थपिएको छ।

भ्याली रोड मोटर्स प्रा. लि. मार्फत् फाइनान्स तथा एक्सचेन्ज योजना अन्तर्गत Yamaha RayZR 125 Fi Hybrid खरिद गरेका उमेश थापा मगरले रु. ५,००,००० नगद बम्पर पुरस्कार जितेका छन्। आयोजकका अनुसार यस घोषणाले मेलामा सहभागी ग्राहकहरूलाई थप आकर्षित गरेको छ।

कार्यक्रम सुरु भएयता मोटरसाइकल पारखी, परिवार तथा सम्भावित खरिदकर्ताहरूको उल्लेखनीय उपस्थिति देखिएको छ। आगन्तुकहरूले यामाहाका नवीन प्रविधियुक्त मोटरसाइकल तथा स्कुटरहरूको अवलोकन गर्दै रमाइलो वातावरणमा ब्रान्ड अनुभव लिएका छन्।

अन्य विजेताहरूमा नबिना शर्माले रु. १,००,०००, अरविन्द गुप्ताले रु. ५५,००० र आवाश चौधरीले रु. ५०,००० नगद पुरस्कार प्राप्त गरेका छन्। साथै, धेरै ग्राहकहरूले विभिन्न आकर्षक उपहारहरू समेत जितेका छन्।

मेलाको अन्तिम दिन नजिकिँदै गर्दा पनि ग्राहकहरूका लागि विशेष सुविधा जारी राखिएको छ। खरिदकर्ताहरूले रु. ५,००,००० सम्म क्यासब्याक, ४० महिनासम्मको ईएमआई सुविधा र अन-द-स्पट फाइनान्सिङको लाभ लिन सक्नेछन्। साथै, ५० भन्दा बढी रिकन्डिसन हाउसहरूको सहभागितामा सञ्चालन भएको एक्सचेन्ज कार्निभलले पुराना मोटरसाइकलहरूको प्रतिस्पर्धात्मक मूल्याङ्कन उपलब्ध गराउँदै आएको छ।

कार्यक्रममा राइडर तथा कन्टेन्ट क्रिएटरहरूसँगको भेटघाट, कोसप्ले प्रदर्शन तथा विभिन्न गिभअवे कार्यक्रमहरूले मेलालाई थप आकर्षक बनाएका छन्।

एम. ए. डब्लू. राइड्सका सीईओ दीपक अग्रवालले ब्लु फेस्टप्रति प्राप्त सकारात्मक प्रतिक्रियाबाट उत्साहित रहेको बताउँदै बाँकी रहेको अन्तिम दिनमा मेलामा सहभागी भई विशेष अफरहरूको लाभ लिन सबैलाई आग्रह गरेका छन्।