मकवानपुरको मनहरी गाउँपालिकामा रहेको आमा घर सेवा आश्रममा स्वच्छ खानेपानी उपलब्ध गराउने उद्देश्यले NIC Asia Bank ले आरओ वाटर प्युरिफायर जडान गरेको छ।

बैंकले आफ्नो संस्थागत सामाजिक उत्तरदायित्व (CSR) अन्तर्गत मनहरी–८ स्थित आश्रममा उक्त सहयोग उपलब्ध गराएको हो। एक कार्यक्रमबीच बैंकका सर्कल हेड– नारायणगढ रामकृष्ण काफ्लेले आश्रमका संरक्षक विजय राज सिग्देललाई वाटर प्युरिफायर हस्तान्तरण गरेका थिए।

परिवारबाट अपहेलित तथा सहयोगको आवश्यकता भएका व्यक्तिहरूलाई आश्रय दिँदै आएको आमा घर सेवा आश्रममा बसोबास गर्ने व्यक्तिहरूका लागि यस सहयोगले स्वच्छ खानेपानीको पहुँच सहज बनाउने विश्वास बैंकले लिएको छ।

बैंकका अनुसार यस पहलले आश्रममा आश्रित व्यक्तिहरूको स्वास्थ्य सुधारमा सहयोग पुर्‍याउनुका साथै दैनिक जीवनलाई थप सहज बनाउने अपेक्षा गरिएको छ।

एनआईसी एशिया बैंकले यस्ता सामाजिक उत्तरदायित्वका कार्यक्रममार्फत समुदायस्तरमा सकारात्मक प्रभाव पार्ने कार्यहरू निरन्तर अघि बढाउँदै आएको जनाएको छ।