काठमाडौं, वैशाख ३१, २०८३ – भिभोले नेपाली बजारमा आफ्नो नयाँ २०० एमपी ट्राभल पोट्र्रेट फ्ल्यागशिप स्मार्टफोन भिभो भी७० एफई सार्वजनिक गरेको छ ।

यात्राका विशेष क्षण, साथीभाईसँगका भेटघाट तथा दैनिक जीवनका यादगार पलहरूलाई स्पष्टसंग कैद गर्न चाहने प्रयोगकर्तालाई लक्षित गरी डिजाइन गरिएको यो स्मार्टफोन ट्राभल कम्प्यानियनको रूपमा प्रस्तुत गरिएको छ ।

भिभो भी७० एफईको मुख्य आकर्षण भनेको यसको २०० एमपी ओआईएस अल्ट्रा–क्लियर क्यामेरा हो, जसले यात्रा, प्राकृतिक दृश्य तथा समूह तस्बिरहरूलाई उत्कृष्ट डिटेलसहित कैद गर्दछ ।

यससँगै ३२ एमपी एचडी सेल्फी क्यामेराले फराकिलो फिल्ड अफ भ्यू प्रदान गर्दै ग्रुप सेल्फी तथा भिडियो कललाई अझ सहज बनाउँदछ । साथै, अगाडि र पछाडिका दुवै क्यामेरामा उपलब्ध ४के स्टेबल भिडियो रेकर्डिङको सुविधाले प्रयोगकर्तालाई उच्च गुणस्तरमा भिडियो खिच्न तथा तुरुन्तै शेयर गर्न सक्षम बनाउँदछ ।

फोटोग्राफी अनुभवलाई अझ सक्षम बनाउन स्मार्टफोनमा नयाँ एआई इमेजिङ फिचरहरू समावेश गरिएको छ । एआई म्याजिक ल्याण्डस्केपद्वारा सञ्चालित सिग्नेचर स्नो टाउन र अरोरा इफेक्टले उपयुक्त अवस्थाहरूमा सामान्य दृश्यलाई पनि आकर्षक सिनेम्याटिक फ्रेममा रूपान्तरण गर्न सक्छ ।

एआई म्याजिक वेदर लगायत अन्य एआई फिचरहरूले सामान्य तस्वीरलाई पनि सहज रूपमा सिनेम्याटिक तथा सोसल–मिडिया रेडी बनाइदिन्छन् ।

आकर्षक डिजाइनका हिसाबले पनि भिभो भी७० एफई प्रिमियम स्मार्टफोनको रूपमा प्रस्तुत गरिएको छ । ओसियन ब्लु र म्युज पर्पल कलर विकल्पमा उपलब्ध यो स्मार्टफोनले विभिन्न जीवनशैली र व्यक्तित्वसँग मेल खाने नयाँ तथा आकर्षक डिजाइन अनुभव प्रदान गर्छ ।

स्मार्टफोनको क्यामेरा मोड्युल वरिपरि रहेको डायनामिक रिङ डिजाइनले प्रिमियम तथा आधुनिक लुक थपेको छ ।

फ्ल्यागशिप डिजाइनबाट प्रेरित यस डिभाइसमा १.८६ एमएमको अत्यन्त पातलो बेजल र ७.५९ एमएमको अल्ट्रा–थिन फ्ल्याट स्क्रिन समावेश गरिएको छ, जसले प्रयोगकर्तालाई अझ इमर्सिभ भ्यूइङ अनुभव दिनुका साथै सहज इन–ह्यान्ड फिल पनि प्रदान गर्छ ।
व्यस्त दैनिक जीवनशैली र निरन्तर कन्टेन्ट शेयरिङलाई ध्यानमा राखेर डिजाइन गरिएको भिभो भी७० एफईमा विशाल ७००० एमएएचको ब्लुभोल्ट ब्याट्री र ९० वाट फ्ल्यासचार्ज टेक्नोलोजी समावेश गरिएको छ ।

यसले लामो समयसम्म भरपर्दो प्रयोग अनुभवका साथै छिटो चार्जिङ सुविधा प्रदान गर्छ, जसले फोटोग्राफी, ब्राउजिङ, मनोरञ्जन तथा सामाजिक सञ्जाल प्रयोगलाई अझ सहज बनाउँछ । साथै, स्मार्टफोनमा रहेको १.५के इन्फिनिटी एमोलेड डिस्प्लेले फोटो तथा भिडियोहरूलाई जीवन्त र प्राकृतिक रंगसहित प्रस्तुत गर्छ ।

भिभो भी७० एफईमा दुई भेरियन्टमा उपलब्ध छ ः

•  ८ जीबी + २५६ जीबी – रु. ६२,९९९
•  १२ जीबी + २५६ जीबी – रु. ७२,९९९

स्मार्टफोन नेपालभरका भिभो रिटेल स्टोरहरू तथा दराज अनलाइन प्लेटफर्म मार्फत खरिदका लागि उपलब्ध छ ।
भिभोे भी७० एफईलाई थप आकर्षक बनाउन भिभोले विशेष अफरहरू पनि ल्याएको छ । पहिलो १,००० ग्राहकले एङ्कर साउन्डकोर पी२०आई इयरबड्स निःशुल्क प्राप्त गर्नेछन् ।

त्यसैगरी, भिभोेले पहिलो २,००० ग्राहकहरूका लागि मात्र रु. १९९ मा भिभोे सिल्ड प्रोटेक्सन प्लान उपलब्ध गराएको छ जसमा ग्राहकले ६ महिनासम्म मान्य हुने एकपटकको स्क्रिन रिप्लेसमेन्ट र एकपटकको वाटर ड्यामेज प्रोटेक्सन सुविधा प्राप्त गर्नेछन् ।

ग्राहकहरूले भी७० एफईलाई १२ महिनाको शून्य प्रतिशत ब्याजदरको ईएमआई सुविधामा पनि खरिद गर्न सक्नेछन् ।