काठमाडौं । नेपाल अटोमोबाइल डिलर्स एसोसिएशन ९नाडा० को एक प्रतिनिधिमण्डलले आज वाणिज्य, आपूर्ति तथा उपभोक्ता संरक्षण विभागका महानिर्देशक केदार दाहालसंग भेटघाट गरी वस्तु तथा सेवामा लेवल राख्ने नीतिगत निर्देशनमा स्पष्टता माग गरेको छ।

नाडाका अध्यक्ष करण चौधरीको नेतृत्वमा गएको प्रतिनिधिमण्डलले विभागले २०८१ चैत्र १४ मा जारी गरेको वस्तुको मूल्य निर्धारणसम्बन्धी सूचनामा रहेका अस्पष्टताहरूमाथि छलफल गरे। अध्यक्ष चौधरीले सवारी साधन तथा स्पेयर पार्ट्सको मूल्य निर्धारण, क्यूआर कोडको प्रयोग, ब्ल्कमा आउने गाडीहरूमा मूल्यसूचि लागू गर्ने प्रक्रिया, डिजिटल तथा गैर(डिजिटल माध्यमबाट मूल्य पारदर्शी बनाउने विषयमा नीतिगत स्पष्टता आवश्यक रहेको बताए।

नाडाका महासचिव सुरेन्द्रकुमार उप्रेतीले डिजिटल माध्यमबाट स्पेयर पार्ट्सको मूल्य निर्धारण गर्न क्यूआर कोडको प्रभावकारी उपयोग गर्न सकिने बताए।

यसैबीच, महानिर्देशक दाहालले अधिकतम मूल्यसूचिलाई पारदर्शी बनाउन भौतिक रूपमा स्पष्ट देखिने गरी प्रदर्शन गर्नुपर्ने जनाए। उनले डिजिटल र गैर(डिजिटल माध्यमबाट क्यूआर कोड प्रयोग गरी मूल्य निर्धारणलाई प्रभावकारी बनाउने बताए। उनले यस विषयमा सबै सरोकारवालासँग छलफल गरी नीतिगत स्पष्टता ल्याइने आश्वासन दिए।

छलफलमा नाडाका पूर्वअध्यक्ष डा। ध्रुव थापा, कोषाध्यक्ष मिलनबाबु मल्ल, सह(कोषाध्यक्ष पंकज अग्रवाल लगायत अन्य केन्द्रीय सदस्यहरू उपस्थित थिए।