काठमाडौं । अन्नपूर्ण मिडिया नेटवर्कद्वारा जलवायु परिवर्तन र वायु प्रदूषण न्यूनीकरणका लागि जनचेतना जगाउने उद्देश्यले आयोजना गरिएको ‘ईभी र्‍याली’ शनिबार सम्पन्न भएको छ।

भृकुटीमण्डपबाट सुरु भएको चौथो संस्करणको ‘एएमएन ईभी र्‍याली २०८१’ को उद्घाटन अर्थमन्त्री विष्णु प्रसाद पौडेलले गरे। र्‍यालीको उद्घाटन समारोहमा मन्त्री पौडेलले वातावरणीय संरक्षणका लागि विद्युतीय सवारी साधनको प्रयोग आवश्यक रहेको बताए।

कार्यक्रममा सहभागीहरूले हरित सन्देशसहितको प्रदर्शनी, र्‍यालीमा सहभागी विद्युतीय सवारी साधनहरूको झाँकी तथा सचेतनामूलक नाराहरू प्रदर्शन गरेका थिए।

र्‍यालीमा सरकारी अधिकारी, पर्यावरणविद्, कलाकार, विद्यार्थी र सर्वसाधारणको उल्लेखनीय उपस्थिति थियो।

ईभी र्‍यालीले वातावरणीय दायित्वप्रति जनमानसमा चेतना फैलाउने र हरित जीवनशैलीको प्रवर्द्धन गर्ने लक्ष्य राखेको आयोजक संस्थाले जनाएको छ।