काठमाडौं । सन् २००९ फेब्रुअरीदेखि नेपालमा हुन्डाई गाडीहरूको आधिकारिक वितरकका रूपमा कार्यरत लक्ष्मी इन्टरकन्टिनेन्टल प्रालिले नवीनता र ग्राहक सन्तुष्टिप्रतिको अडिग प्रतिबद्धताका साथ एक सशक्त र सम्मानित ब्रान्डको छवि निर्माण गरेको छ।

विश्वसनीय आयातकर्ताको रूपमा सुरुवात गरेको हुन्डाई नेपाल आज घर–घरमा चिनिने नाम बनेको छ। यसले स्यान्ट्रो, ग्रान्ड आई१० नियोस, आई२०, अउरा, भेन्यु, भरना, क्रेटा, टुसान, सान्ता फे र पालिसेड जस्ता लोकप्रिय मोडलहरूका साथै आयाेनिक ५, काेना इलेक्ट्रिक र क्रेटा इलेक्ट्रिकजस्ता आधुनिक विद्युतीय सवारीसाधनहरू उपलब्ध गराउँदै आएको छ।

ग्राहकलाई प्राथमिकतामा राख्दै, कम्पनीले अत्याधुनिक शोरूम, सर्भिस सुविधा र ललितपुरस्थित नेपालको पहिलो हुन्डाई ट्रेनिङ एकेडेमीमार्फत तालिमप्राप्त प्राविधिकहरूको सेवा उपलब्ध गराएको छ। यसले बिक्रीपश्चातको सेवामा भरपर्दोपन र दीर्घकालीन सन्तुष्टि सुनिश्चित गरेको छ।

२०८१ बैशाख २८ गते लक्ष्मी मोटर कर्पोरेसनले रामग्राम, परासीमा नेपालको पहिलो कार एसेम्बलिङ प्लान्ट उद्घाटन गर्दै ‘Made in Nepal’ हुन्डाई सवारीसाधनको उत्पादन सुरु गरेको हो। भेन्यु मोडलसँग सुरु भएको उत्पादनमा अहिले क्रेटा पनि समावेश भएको छ, र भविष्यमा थप मोडलहरू उत्पादन गर्ने योजना छ।

यस उपलब्धिले नेपालका अटोमोबाइल उद्योगमा नयाँ युगको सुरुवात गर्दै स्थानीय उत्पादन र राष्ट्रिय गर्वलाई प्रवर्द्धन गरेको छ। नाइमा नेपाल मोबिलिटी एक्सपो २०२५ मा प्राप्त सकारात्मक ग्राहक प्रतिक्रियाले यसलाई अझ मजबुत बनाएको छ।

हुन्डाई नेपालको यात्रा— आयातकर्ताबाट स्थानीय निर्माता सम्म— दृष्टि, दृढता र ग्राहक सन्तुष्टिप्रतिको प्रतिबद्धताको प्रतिक बनेको छ। कम्पनीले आगामी दिनमा पनि जीवनलाई समृद्ध बनाउने र नेपालको अटोमोबाइल उद्योगलाई नयाँ उचाइमा पुर्याउने उत्कृष्ट मोबिलिटी समाधानहरू उपलब्ध गराउने लक्ष्य लिएको छ।