काठमाडौं । सारथी इकुटरको नेपालका लागि आधिकारिक वितरक जेरो इमिसन राइड एनले नाडा अटो शो २०२५ लाई लक्षित गर्दै विशेष नगद छुट योजना सार्वजनिक गरेको छ।

भदौ ३ गतेदेखि ८ गतेसम्म लागु हुने अफर अनुसार, सारथी इकुटरका दुई मोडेल इ–३ र विँगर स्कुटर खरिद गर्ने ग्राहकले २५ हजार रुपैयाँ नगद छुट पाउनेछन्। साथै, एक वर्षको कर, एउटा प्रिमियम हेलमेट र एउटा रेनकोट निःशुल्क उपलब्ध गराइने कम्पनीले जनाएको छ।

यो अफर नगदमा खरिद गर्ने ग्राहकका लागि मात्र लागू भए पनि, किस्ताबन्दीमार्फत २०% डाउनपेमेन्टमा अधिकतम ३ वर्षसम्म फाइनान्स सुविधा पनि लिन सकिने छ। साथै, प्रत्येक दिन एक्सचेन्ज सुविधा पनि उपलब्ध हुने बताइएको छ।

३,९०० वाट मोटर पावर भएको विँगर र ३,००० वाट मोटर पावर भएको इ–३ स्कुटर दुवैमा २.८ केडब्ल्यू ब्याट्री प्रयोग भएको छ, जसले अधिकतम १२० किलोमिटर रेन्ज दिन्छ।

कम्पनीले इ–३ को मूल्य २ लाख १६ हजार रुपैयाँ र विँगर को मूल्य २ लाख ९ हजार रुपैयाँ तोकेको छ। हालको अफर अन्तर्गत दुवैमा २५ हजार छुट लागू हुनेछ।

नेपालका इलेक्ट्रिक स्कुटर ब्रान्डहरूमध्ये सबैभन्दा धेरै सर्भिस सेन्टर र चार्जिङ प्वाइन्ट भएको दाबी गर्दै, कम्पनीका सेल्स हेड शंकर शर्माले विगत ६ वर्षदेखि लुयान ब्रान्डका ई–स्कुटर पनि विक्रि–वितरण गरिरहेको जानकारी दिए।