ललितपुर। नेपाल बैंक लिमिटेड र पाटन हेल्थ ल्याब प्रा.लि. बीच बैंकका कर्मचारी तथा ग्राहकलाई स्वास्थ्य सेवा सहुलियतमा उपलब्ध गराउने उद्देश्यले विशेष छुटसम्बन्धी सम्झौता सम्पन्न भएको छ।

सम्झौता अनुसार नेपाल बैंकका कर्मचारी तथा बैंकमा खाता भएका ग्राहकहरूले पाटन हेल्थ ल्याबमा उपलब्ध प्याथोलोजी सेवा तथा स्वास्थ्य परीक्षणका विभिन्न प्याकेजमा १० देखि ३० प्रतिशतसम्म छुट पाउने छन्। साथै, केही विशेष प्याथोलोजी परीक्षणका लागि निःशुल्क होम डेलिभरी सेवा पनि उपलब्ध गराइनेछ।

सम्झौता पत्रमा नेपाल बैंक लिमिटेडका तर्फबाट बजारीकरण तथा अनुसन्धान डिभिजनका प्रमुख निर्मल सुवेदी र पाटन हेल्थ ल्याब प्रा.लि.का तर्फबाट प्रबन्ध निर्देशक सरिता खड्काले हस्ताक्षर गरेका छन्।

सम्झौता कार्यान्वयनपछि नेपाल बैंकका कर्मचारी र ग्राहकले पाटन हेल्थ ल्याबबाट प्रदान गरिने सहुलियतपूर्ण, पहुँचयोग्य र गुणस्तरीय स्वास्थ्य सेवाबाट लाभ पाउने विश्वास व्यक्त गरिएको छ।