काठमाडौं।एलआइसी नेपालको २४औँ वार्षिक साधारण सभा नेपाल प्रशासनिक प्रशिक्षण प्रतिष्ठान, जावलाखेल, ललितपुरमा सम्पन्न भएको छ।

सभाले हाल कायम चुक्तापुँजीको कुल २१.०५ प्रतिशत नगद लाभांश वितरण गर्ने प्रस्ताव अनुमोदन गरेको छ। सभामा अध्यक्षद्वारा संचालक समितिको वार्षिक प्रतिवेदन प्रस्तुत गरी अनुमोदन गरिएको छ। आर्थिक वर्ष २०८१/८२ का लागि लेखापरीक्षकको प्रतिवेदन सहित वासलात, नाफा–नोक्सान हिसाब र नगद प्रवाह विवरणमाथि छलफल गरी पारित गरिएको छ।

साथै, सभाले लेखापरीक्षण समितिको सिफारिस अनुसार आर्थिक वर्ष २०८२/८३ का लागि लेखापरीक्षक नियुक्ति गर्ने र निजको पारिश्रमिक तोक्ने निर्णय गरेको छ। बहालवाला लेखापरीक्षक श्री केजे एशोशिएट्सलाई पुनः नियुक्त गर्न योग्य रहेको पनि पारित भएको छ।

सभाले संस्थापक शेयरधनीको तर्फबाट नियुक्त संचालक र स्वतन्त्र संचालकको नियुक्ति अनुमोदन गरेको छ। संचालक समितिका अध्यक्ष र सदस्यहरूको बैठक भत्ता वृद्धि गर्ने प्रस्ताव पनि पारित भएको छ।

अन्ततः, सभाले कम्पनी ऐन २०६३ को दफा १०५ (१) (ग) अनुसार आर्थिक वर्ष २०८१/८२ मा संस्थागत सामाजिक उत्तरदायित्व (CSR) अन्तर्गत भएका खर्चको अनुमोदन गरेको छ। अध्यक्षको अनुमतिमा अन्य आवश्यक प्रस्तावहरू पनि पारित भएका छन्।