काठमाडौं। विश्वव्यापी ब्रान्ड जकी (Jockey) ले काठमाडौंको प्रमुख व्यापारिक केन्द्र पुतलीसडकमा आफ्नो नयाँ एक्सक्लुसिभ शोरूम सार्वजनिक गरेको छ। ब्रान्डका अनुसार, स्टोरको डिजाइन र सुविधाहरूले ग्राहकलाई उत्कृष्ट र सहज सपिङ अनुभव प्रदान गर्ने उद्देश्य राखेको छ।

नयाँ शोरूममा पुरुष, महिला र बालबालिकाका लागि जकीका सम्पूर्ण उत्पादनहरू उपलब्ध छन्। यसमा इनरवेयर, एथलिजर, एक्टिभवेयर, लाउन्जवेयर, थर्मल र दैनिक उपभोगका लुगाहरूको विस्तृत संग्रह रहेको छ। ग्राहकहरूले व्यक्तिगत सहायता पाउने र सही फिटिङ, आराम र शैली सुनिश्चित गर्न सक्ने सुविधा पनि उपलब्ध छ।

उद्घाटन समारोहमा चर्चित नायिका प्रियंका कार्की उपस्थित थिइन्। उनले भनिन्, “जकी सधैं आराम र आत्मविश्वासको प्रतीक बनेको छ। पुतलीसडकको नयाँ शोरूमले उत्कृष्ट सपिङ अनुभव प्रदान गर्दछ जहाँ मानिसहरूले ब्रान्डका सम्पूर्ण लाइफस्टाइल उत्पादनहरू सहजै रोज्न सक्छन्।”

स्टोर म्यानेजर मोहित कुमार सिन्हा र गोकुल शर्माले संयुक्त रूपमा भने, “हामी पुतलीसडकमा जोकीको यो नयाँ अनुभव ल्याउन पाउँदा उत्साहित छौं। शोरूमले काठमाडौंमा हाम्रो बढ्दो उपस्थितिलाई झल्काउँछ र स्थानीय बजारमा विश्व–स्तरीय पहिरन उपलब्ध गराउने हाम्रो प्रतिबद्धतालाई पुष्टि गर्दछ।”

पुतलीसडकको शोरूमका साथै काठमाडौं उपत्यका र उपत्यका बाहिरका विभिन्न स्थानहरू, जनरल ट्रेड (GT) र प्रमुख मोडर्न ट्रेड (MT) आउटलेटहरूमा पनि जकीका स्टोरहरू सञ्चालनमा छन्, जसले ग्राहकलाई ब्रान्डसँग अझ नजिक बनाएको बताइएको छ।