काठमाडौं । नयाँ ऊर्जा सवारी (NEVs) को भविष्यलाई नजिकबाट बुझ्ने उद्देश्यले BYD Nepal टोलीले चीनस्थित अत्याधुनिक Zhengzhou All-Terrain Circuit को अवलोकन गरेको छ।

करिब १,९८,७०० वर्गमिटर क्षेत्रफलमा फैलिएको यो परीक्षण केन्द्रलाई अटोमोबाइल इन्जिनियरिङको उत्कृष्ट नमुनाका रूपमा लिइन्छ। यहाँ आठ फरक–फरक परीक्षण क्षेत्रमार्फत सवारी साधनलाई विश्वकै कठिन अवस्थासम्म परीक्षण गरिन्छ।

यस क्रममा BYD नेपालको टोलीले e4 प्लेटफर्म र DiSus-X प्रणाली जस्ता अत्याधुनिक प्रविधिहरूको प्रत्यक्ष अनुभव लिएको थियो, जसले भविष्यमा नेपाली बजारका सवारीलाई अझ सुरक्षित र शक्तिशाली बनाउने विश्वास गरिएको छ।

सर्किटको मुख्य आकर्षणका रूपमा रहेको गिनिज वर्ल्ड रेकर्डधारी इनडोर बालुवा ट्युन ६,२०० टन मरुभूमि बालुवाबाट निर्माण गरिएको छ। २९.६ मिटर उचाइको ठाडो ओरालो र २८ डिग्रीको उकालो भएको उक्त क्षेत्रमा सवारीको टर्क वितरण र ट्र्याक्सन कन्ट्रोल परीक्षण गरिन्छ, जसले कठिन भू–भागमा समेत सहज सञ्चालन सुनिश्चित गर्छ।

त्यसैगरी, अत्यन्त चिप्लो सतहमा सवारीको नियन्त्रण परीक्षणका लागि ४४ मिटर व्यासको ‘लो–फ्रिक्सन सर्कल’ निर्माण गरिएको छ, जसमा ३०,००० पालिस गरिएको बेसाल्ट ढुंगामाथि पानीको तह राखेर हिउँ र बरफजस्तै अवस्था सिर्जना गरिन्छ। साथै ‘किक–प्लेट सिस्टम’ मार्फत गाडीको पछाडिको भागलाई अचानक साइडतिर धकेलिने परीक्षणले सवारीको स्थिरता नियन्त्रण प्रणाली कति प्रभावकारी छ भन्ने देखाउँछ।

उच्च प्रदर्शन परीक्षण अन्तर्गत १.७५८ किलोमिटर लामो रेस ट्र्याकमा Yangwang U9 सुपरकार प्रस्तुत गरिएको थियो। १,२८७ हर्सपावरभन्दा बढी शक्ति भएको उक्त गाडीले ०–१०० किमी/घण्टा गति केवल २.३६ सेकेन्डमै हासिल गर्ने क्षमता राख्छ। क्वाड–मोटर प्रणालीले तीव्र गतिमा पनि सन्तुलन र नियन्त्रण कायम राख्ने देखिएको छ।

त्यस्तै, अफरोड क्षमता परीक्षणका लागि २७ विभिन्न चुनौतीपूर्ण संरचना तयार गरिएको छ। यसै क्रममा Yangwang U8 ले ७० मिटर लामो पानी क्षेत्रमा सफल परीक्षण गर्दै आपतकालीन अवस्थामा तैरिन सक्ने र पानीभित्रै सञ्चालन गर्न सक्ने क्षमता प्रदर्शन गरेको थियो।

नेपाल जस्तो विविध भू–भाग भएको देशका लागि यस्ता परीक्षण विशेष महत्त्वपूर्ण मानिन्छन्। काठमाडौंका शहरी सडकदेखि हिमाली उकालोसम्मका चुनौतीलाई ध्यानमा राख्दै गरिएका यी परीक्षणले भविष्यका विद्युतीय सवारीहरू अझ सुरक्षित, भरपर्दो र सक्षम हुने संकेत दिएका छन्।

BYD नेपालका अनुसार, “भविष्यको यातायात केवल विद्युतीय हुनु मात्र नभई उच्च स्तरको सुरक्षा र बुद्धिमानी नियन्त्रणयुक्त हुनु आवश्यक छ।”