काठमाडौं । नेपाली इलेक्ट्रोनिक्स बजारमा विगत २७ वर्षदेखि एक विश्वसनीय नामको रूपमा स्थापित हिमस्टार नेपालमा आयोजना हुन गइरहेको फिफा विश्वकप २०२६ को प्रसारणका लागि सह-प्रायोजक बनेको छ। नेपाली खेलप्रेमीहरूलाई विश्वकपको उत्कृष्ट प्रत्यक्ष प्रसारण उपलब्ध गराउने उद्देश्यका साथ हिमस्टारले फिफा विश्वकप २०२६ को टेलिभिजन प्रसारणका लागि हिमालय स्पोर्ट्स टिभी र डिजिटल माध्यमबाट अनलाइन प्रसारणका लागि डिगो एपसँग आधिकारिक रूपमा साझेदारी गरेको छ।

विश्वको सबैभन्दा ठूलो र प्रतिष्ठित खेल महोत्सवसँग हिमस्टारको नाम जोडिनु सम्पूर्ण कम्पनी र यसका उपभोक्ताहरूका लागि निकै गर्वको क्षण भएको कम्पनीले जनाएको छ। यो ऐतिहासिक खेल उत्सवको अवसरलाई ग्राहकहरूका लागि अझ बढी विशेष र उत्साहजनक बनाउन हिमस्टारले फिफा विश्वकप २०२६ लक्षित आकर्षक उपभोक्ता योजना समेत सार्वजनिक गरेको छ।

यस विशेष अफर अन्तर्गत ग्राहकहरूले हिमस्टार ब्रान्डको ४३ इन्च वा सोभन्दा माथिका अल्ट्रा एचडी (UHD) स्मार्ट टिभी खरिद गर्दा ३२ प्रतिशतसम्मको आकर्षक क्यासब्याक प्राप्त गर्न सक्नेछन्। यसका साथै टिभी खरिदकर्ताहरूले फिफा विश्वकप २०२६ को आकर्षक लाइभ टिभी सिजनपास तथा एक वर्षको नेट टिभी प्याकेज समेत निःशुल्क प्राप्त गर्नेछन्। यस अफरले नेपाली फुटबल प्रशंसकहरूलाई विश्वकपको रोमाञ्चक खेलहरू सर्वोत्कृष्ट र उच्च गुणस्तरको स्क्रिनमा डिभीडी क्वालिटीमा अनुभव गर्न उत्कृष्ट अवसर प्रदान गर्ने विश्वास कम्पनीले लिएको छ।

लामो समयदेखि नेपाली बजारमा गुणस्तरीय र भरपर्दो होम एप्लायन्सेस तथा अत्याधुनिक प्रविधियुक्त टेलिभिजनहरू उपलब्ध गराउँदै आएको हिमस्टार इलेक्ट्रोनिक्सले यस सहकार्यमार्फत देशभर छरिएर रहेका खेलप्रेमी उपभोक्ताहरूसँगको आफ्नो व्यावसायिक सम्बन्धलाई अझ बढी प्रगाढ र सशक्त बनाउने लक्ष्य राखेको छ।