नेपाल धितोपत्र बोर्डका नवनियुक्त अध्यक्ष भीष्मराज ढुंगानाले आज पदभार गरेका छन् । अर्थ मन्त्रालयमा शुक्रबार बिहान पद तथा गोपनीयताको सपथ ग्रहण गरेपछि ढुंगाना पदभार सम्हाल्न बोर्डको कार्यालय पुगेका थिए । शुक्रबार पदभार ग्रहण पछि ढुंगनाले प नेपाल एसबीआई बैंकको साढे २ अर्ब रुपैयाँको ऋणपत्रलाई स्वीकृति गरे । यो पदभारसँगैको पहिलो निर्णय हो ।

यस अघि नेपाल राष्ट्र बैंकको कार्यकारी निर्देशकको पदबाट रिटायर्ड भएका ढुंगनालाई गत सोमबार बसेको मन्त्रिपरिषद्को बैठकले बोर्ड अध्यक्षमा नियुक्तिको निर्णय गरेको हो । यस अघि उनलाई वोर्डकै विज्ञ सदस्यको रुपमा नियुक्त गरिएको थियो ।

राष्ट्रिय योजना आयोगका सदस्य डा रामकुमार फूयाँलको संयोजकत्वमा गठित छनौट तथा सिफारिस समितिले बोर्ड अध्यक्षका लागि परेका आवेदनमध्येबाट ५ जनाको सर्टलिस्ट बनाएको थियो । ती पाँचमध्येबाट पनि ३ जनालाई छनौट गरी मन्त्रीपरिषदमा सिफारिस गरिएको थियो। सिफारिस गरिएकामा ढुंगनासहित बोर्डकै कार्यकारी निर्देशक तथा प्रवक्तामा भूमिका रहिसकेका निरज गिरी र डा केशवप्रसाद श्रेष्ठको नाम नाम सिफारिस भएकोमा अन्य २ पछि पार्दै क्याविनेटले उनलाई धितोपत्र वोर्डको अध्यक्षमा नियुक्त गरिएको थियो ।