काठमाडौं – सप्तकोशी डेभलपमेन्ट बैंकले बाह्रौं वार्षिक साधारण सभा आह्वान गरेको छ। बैंकले असार २१ गते आफ्नो बाह्रौं वार्षिक साधारण सभा आह्वान गरेको हो । उक्त सभा उद्योग संगठन मोरङ, तिनपैनी, विरानगरमा बिहान साढे १० बजे शुरु हुने जनाएको छ ।

साधारण सभा प्रयोजनको लागि बैंकले गत चैत १७ गतेदेखि बुकक्लोज गरेको थियो। यसअनुसार चैत १६ गतेसम्म कायम शेयरधनीले बैंकको बोनस शेयर पाउने छन्।

सभामा बैंकले चुक्ता पूँजीको ६ प्रतिशतले हुन आउने ४ करोड ७२ लाख रुपैयाँ बराबरको बोनस शेयर वितरण गर्ने प्रस्ताव लैजाने भएको छ। हाल बैंकको चुक्ता पूँजी ७८ करोड ७१ लाख रुपैयाँ रहेको छ।

साधारण सभामा संस्थापक समुहबाट प्रतिनिधित्व गर्ने गरी ३ जना सञ्चालक र सर्वसाधारणको तर्फबाट प्रतिनिधित्व गर्ने गरी ३ जना सञ्चालकको निर्वाचन गर्ने प्रस्ताव रहेको छ ।