सेञ्चुरी कमर्सियल बैंक लिमिटेडले सनराइज टावरमा एटिएम सेवा सञ्चालन शुरु गरेको छ । आफ्नो ग्राहकवर्गहरुको लागि थप सजिलो र सहज सेवा सुविधा उपलब्ध गराउने उद्देश्यका साथ धोबिघाट, ललितपुरस्थित सनराइज टावरमा यहि भाद्र २३ गतेबाट एटिएम सेवा सञ्चालनमा ल्याएको व्यहोरा ग्राहकवर्गहरुमा जानकारी गराएको छ । उक्त एटिएम सेवा बैंकका सञ्चालक समितिका सदस्य राजेश राज दली र सनराइज टावर सोसाइटीका अध्यक्ष सुवर्ण बहादुर क्षेत्रीले संयुक्त रुपमा एटिएमको उद्घाटन गर्नुभएको थियो ।
बैंकले काठमाडौं उत्पत्यकामा बाह्र वटा शाखाहरु र छ वटा एक्सटेन्सन काउन्टरहरु र उपत्यका बाहिर एकानब्बे शाखाहरु र दुई वटा एक्सटेन्सन काउन्टरहरु साथै दश वटा शाखारहित बैंकिङ्ग गरी जम्मा एक सय एक्काइस स्थानबाट कारोबार सञ्चालन गरीरहेको जानकारी गराउनुका साथै उद्घाटन पश्चात बैंकले एकाउन्न वटा एटिएम बाट सेवा प्रदान गर्ने कुरा पनि जानकारी गराउनुभयो ।