काठमाडौं । सेयर बजारमा लगातार उच्च अंकको गिरावट आएको छ । सोमबार ४८ अंकले घटेको नेप्से आज ३१ अंकले घटेको छ । दुई कारोबार दिनमै नेप्से झन्डै ८० अंकले घटेको छ ।

 

सूचकसँगै आज कारोबार रकममा पनि गिरावट आएको छ । अघिल्लो कारोबार दिनको तुलनामा कारोबार रकम १६ करोडले घटेर सवा १ अर्बमा सीमित भएको छ ।

 

बुधबार नेप्से ३१.७० अंकले घटेर २२७५.६९ विन्दुमा आइपुगेको छ । यसदिन २३३ कम्पनीको १ अर्ब २६ करोड ९२ लाख १९ हजार ४२१ रुपैयाँ बराबरको ३६ लाख २ हजार ८४८ कित्ता सेयर किनबेच भएको छ ।

 

आज कारोबारमा आएका १३ वटै समूहको परिसूचक राताम्मे भएको छ । जीवन बीमा समूह सबैभन्दा धेरै २.३४ प्रतिशतले घटेको छ । त्यस्तै, विकास बैंक, हाइड्रोपावर, फाइनान्स, व्यापार र निर्जीवन बीमा समूह पनि २ प्रतिशतभन्दा धेरैले घटेको छ ।

 

आज करोबारमा आएको २३३ कम्पनीमध्ये जम्मा २४ कम्पनीको सेयर मूल्य बढेको छ भने १९८ कम्पनीको मूल्य घटेको छ । ११ कम्पनीको सेयर मूल्य स्थिर रहेको छ ।

 

आज अरुण भ्याली हाइड्रोपावरको सर्वाधिक कारोबार भएको छ । यसको साढे ४ करोड रुपैयाँकोे सेयर किनबेच भएको छ । त्यसैगरी, हिमालयन डिस्ट्रीलरी साढे ३ करोड र नबिल बैंक सावा ३ करोड बढीको कारोबार हुँदै शीर्ष तीनमा रहे ।

 

उच्च अंकले घटेको बजारमा आज जाल्पा लघुवित्त वित्तीय संस्थाको सेयर मूल्यमा पोजेटिभ सर्किट लागेको छ । यसका सेयरधनीले करिब १० प्रतिशत कमाएका छन् ।

 

घट्दो बजारमा आज ग्रीन भेन्चर्सका सेयरधनीले सबैभन्दा धेरै ९.३६ प्रतिशत गुमाएका छन् । त्यसैगरी, एभरेष्ट इन्स्योरेन्सको प्रमोटर सेयर ५.८२, युनियन हाइड्रोपावर ५.७७, सप्तकोशी विकास बैंक, नेशनल हाइड्रो, युनियन हाइड्रोपावर, बुद्धभूमि हाइड्रोपावर, छ्याङ्दी हाइड्रोपावर, माउन्टेन हाइड्रो, र हिमालयन ऊर्जा कम्पनीको सेयर मूल्य ५ प्रतिशतभन्दा धेरैले घटेको छ