काठमाडौं । ग्लोबल आइएमई बैंक लिमिटेड र बैकल्पिक उर्जा प्रबर्द्धन केन्द्रबीच सम्झौता भएको छ । विभिन्न सौर्य मिनि ग्रिड परियोजनाहरुमा निर्माण सम्बन्धमा दुई पक्षबीच आज सम्झौतापत्रमा हस्ताक्षर भएको हो ।

उक्त सम्झौतापत्रमा ग्लोबल आइएमई बैंकका तर्फबाट प्रमुख कार्यकारी अधिकृत रत्नराज्य बज्राचार्य र बैकल्पिक उर्जा प्रबद्र्धन केन्द्रका तर्फबाट कार्यकारी निर्देशक डा।मधुसुधन अधिकारीले ऋण सम्झौतापत्रमा हस्ताक्षर गरेका हुन् ।

उक्त सम्झौताअनुसार आयोजना कार्यान्वयनको लागि केन्द्रलाई बैंकले रकम उपलब्ध गराउनेछ । उक्त रकम ग्लोबल आइएमई बैंकले एक सय किलोवाट पावर सौर्य मिनी ग्रिड परियोजना निर्माण तथा विद्युत वितरण कार्यको लागि ऋणको रुपमा उपलब्ध गराउने छ ।

बैंकले यस्ता परियोजनाहरुमा लगानी गर्नुका साथैसाथै साना तथा मझौला व्यवसायलाई प्रबर्द्धन गर्न विभिन्न वित्तइि सुविधाहरु प्रदान गर्दै व्यवसाय बृद्धिको लागि सहयोग गर्ने लक्ष्य अनुसार यस सम्झौताअन्तर्गत देशको दुर दराजमा संचालन हुने साना परियोजनाहरु विभिन्न बैकिङ्ग सुविधा प्रदान गर्नेछ ।

उक्त सम्झौतापत्र हस्ताक्षर कार्यक्रममा बैंकका नायब प्रमुख कार्यकारी अधिकृत सुरेन्द्रराज रेग्मी, वैकल्पिक उर्जा प्रबर्द्धन केन्द्रका नायब कार्यकारी निर्देशक नवराज ढकाल तथा अन्य पदाधिकारीहरु एवं बैंकका कर्मचारीहरुको उपस्थिति समेत रहेको थियो ।