हेटौंडा । मकवानपुरको मनहरी गाउँपालिका वडा नम्बर ३ मा नेपाली काँग्रेसका उम्मेदवार अनन्त प्रकाश अर्याल विजयी भएका छन् । अर्यालले १ हजार ४२ मत प्राप्त गरेका छन् । अध्यक्षका प्रत्यासी नेकपा माओवादी केन्द्रका उम्मेदवार संजिव पाठकले ७ सय २० मत पाए भने नेकपा एमालेका उम्मेदवार मान बहादुर बलले ५ सय ४३ मत पाएका हुन् ।

त्यस्तै वडा सदस्यहरुमा नेपाली कांग्रेसका उम्मेदवार नै विजयी भएका छन् । वडा सदस्यमा सानु काजी लुइटेल, हिरा बहादुर प्रजा, सविता सुवेदी र धन माया विश्‍वकर्मा विजयी भएका छन् ।