काठमाडौं । चिकित्सा शिक्षाका लागि साझा प्रवेश परीक्षा सिइइ दिने विद्यार्थीले चिकित्सा शिक्षा आयोग विरुद्ध आन्दोलन सुरु गरेका छन् । चिकित्सा शिक्षा आयोगले गरेको गल्तिका कारण आफूहरु अन्यायमा परेको भन्दै प्रवेश परीक्षा दिएका विद्यार्थीले आन्दोलन थालेका हुन् ।

आयोग विरुद्ध उनीहरुले आज बुधबार माइतीघरमा विरोध प्रर्दशन गरेका छन् ।

प्रर्दशनमा सहभागि विद्यार्थी चन्दन कुमार गोईतले, आफ्ना समस्याहरू लिएर जाँदा चिकित्सा शिक्षा आयोगका अध्यक्ष सघंरत्न बर्जाचार्यले आफुहरुलाई धम्की दिएको आरोप लगाए ।

उनले भने, अध्यक्ष बर्जाचार्यले हामीलाई ‘यो विषय कराई राख्ने विषय हैन् । यो विषयमा तपाई र मैले बोल्यौं भने प्रहरीले पक्रेर लान्छ । यस्तो कुरा मलाई नभन्नु होला म तपाईलाई मद्धा पनि हाल्न सक्छु । लेखेर औठा छाप लगाएर नागरिकता राखेर दिनुस म तपाई विरुद्ध मुद्धा हाल्छु । यस्तो त भन्नदै मिलेन नि ।’ भनेर थर्काए ।

चिकित्सा शिक्षा आयोगद्वारा प्रकाशित ग्रिड पालना नभएको भन्दै आफ्नो कुराहरु राख्न गएका विद्यार्थीहरुलाई मुद्धा हाल्छु, प्रहरी बालाउछु भन्दै धम्काएको विद्यार्थीको गुनासो छ ।

नेपाल न्युज बैंकलाई प्राप्त भिडियोमा पनि अध्यक्ष बर्जाचार्यले विद्यार्थीहरुलाई प्रहरी लगाएर पक्रने धम्कि दिएको प्रष्ट देख्न सकिन्छ ।
आन्दोलित विद्यार्थीले भने सरकारी स्कुलका विद्यार्थीहरुको लागि छुट्याइएको कोटाको लागि धेरै विद्यार्थीले नक्कली कागजपत्र बनाएको आरोप लगाएका छन् । त्यस्ता विद्यार्थीका कागजपत्र छानविन गरी उनीहरुमाथि कारबाही हुनुपर्ने माग उनीहरुको छ । सो परीक्षा फागुन १४ गतेदेखि २८ गतेसम्म संचालन भएको थियो ।