काठमाडौं । १७औं लोकतन्त्र दिवस आज९सोमवार० विभिन्न कार्यक्रमको आयोजना गरी देशभर हर्ष एवं उत्साहका साथ मनाइँदैछ ।
तत्कालीन राजा ज्ञानेन्द्र शाहले विसं २०६१ माघ १९ गते शासन सत्ता आफ्नो हातमा लिएपछि दलहरुको आन्दोलन उत्कर्षमा पुगेको थियो ।

 

त्यसबेला सडकमा आन्दोलनरत सात दल र भूमिगतरुपमा सशस्त्र युद्धरत नेकपा माओवादीबीच १२ बुँदे समझदारी भएको थियो । यही समझदारीको बलमा उभिएका आन्दोलनले राजाको हातमा पुगेको शासन फिर्ता मात्र लिएन देशमा गणतन्त्र पनि स्थापना गरेको थियो ।

 

यही समझदारीको बलमा २०६२÷६३ सालमा भएको आन्दोलनले वैशाख ११ गते सफलता हात पारेको थियो । पूर्व राजा शाह जनताको अगाडि झुक्न विवश भएको वैशाख ११ गतेको दिनलाई हरेक बर्ष लोकतन्त्र दिवसकोरुपमा मनाइदै आएको छ ।

 

यही अवसरमा राष्ट्रपति, प्रधानमन्त्रीलगायत शीर्ष नेताहरुले शुभकामना सन्देश जारी गर्दै लोकतन्त्रप्रति थप सचेत रहनु पर्ने अवस्था आइपरेको उल्लेख गरेका छन् । आजै देशभर बिभिन्न कार्यक्रम गरेर लोकतन्त्र दिवस हर्ष एवं उल्लासका साथ मनाइदै छ ।