जनशक्तिको अभावमा १० लाख ३० हजार हेक्टर जमिन खेर गयो : कृषिमन्त्री भुसाल
Thursday May 11, 2023
वि.सं.२०८० वैशाख २८ बिहीवार १६:५६
काठमाडौं । कृषि तथा पशुपंक्षी विकास मन्त्री वेदुराम भुसालले जनशक्तिको अभावले १० लाख ३० हजार हेक्टर खेति योग्य जमिन खेर गएको बताएका छन् ।
बिहीबार काठमाडौंमा आयोजित दिगो विकास शुसासन समिति बैठकमा उनले उत्पादन बढाउन जमिन र विउको आवश्यकता भएप्नि जनशक्तिलाई बढाउन उत्तिकै आवश्यक भएको बताए ।
उनले भने ‘श्रम शक्ति र जनशक्तिको आवश्यक छ । जनशक्ति नभएको कारणले जमिनहरु बाँझो छ । विषेश गरि पहाडमा खेती गर्ने जनशक्ति पलायन भएको छ । गत सालको कृषि गणनाको तथ्याङक हेर्ने हो भने पनि जनशक्तिको अभावले १० लाख ३० हजार हेक्टर खेति योग्य जमिन खेर गएको छ । यो चाही गम्भीर समस्याको रुपमा देखा परेको छ ।’
कृषि उपजको आधारमा वजार व्यवस्थापन गर्न आवश्यक भएको उनको भनाइ छ । उनले कृषि र सिँचाई मन्त्रालयको सहकार्यमा कृषि वन र पर्यावरण भन्ने कार्यक्रमहरु अगाडि सारिएको पनि बताए ।
कृषि मन्त्री भुसालले नेपालको जंगलमा प्रशस्त मात्रामा पाइने अमला मात्र २ अर्ब बराबरको आयात भएको देखिएको बताए ।
