काठमाडौं । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले विदेशीको सेवा गरेर सत्तामा जाने प्रवृति बढेको बताएका छन् ।
शुक्रबार काठमाडौंमा आयोजित नेपालको भू – राजनीति तथा सामरिक चुनौतीहरू विषयक विचार गोष्ठी कार्यक्रममा अध्यक्ष लिङ्देनले प्रधानमन्त्री पुष्पकमल दाहालको अभिव्यक्तिले देशको नुर नै गिरेको बताए ।

उनले भने ‘ हाम्रो छिमेकीहरुसंग गौरवपूर्ण सम्बन्ध थियो । तर अहिले सानो र ठूलो कुरामा पुगेका छौं । देशको प्रधानमन्त्री भएको मान्छेले भित्र के भो के के हुने गरेका छन् थाहा छ तर जो नभन्दा पनि हुने कुरा आममान्छेलाई सुनाएर गौरव गर्ने परिस्थिति निमार्ण भएको छ । प्रितम सिंह जी मलाई प्रधानमन्त्री बनाउन पटक पटक दिल्ली धाउनु भयो भनेर सुनाएर देशवासीलाई प्रभाव दिन खोज्ने प्रधानमन्त्री नेपालमा छन् ।

उनले हाम्रो भूराजनीतिक परिस्थति पेचिलो बन्दै गएको बताए । विदेशीको सेवा गरेर सत्तामा जाने प्रवृत्ति पनि बढेको उनको ठहर छ ।
अध्यक्ष लिङ्देनले पछिल्लो समय नेपालको सबै शक्तिहरु कमजोर बन्दै गएको र यस्ता समस्याहरु समाधान गर्नु पर्ने पनि बताए ।