काठमाडौं । शिक्षा विद् प्रा.विद्यानाथ कोईरालाले आयोगको प्रतिवेदन भनेर बाहिर आएको कुरा साँचो नभएको दाबी गरेका छन् ।
बिहीबार अनेरास्ववियू क्रान्तिकारी नेपाल समाजवादी विद्यार्थी यूनियनद्धरा आयोजित खुल्ला शिक्षा वहस कार्यक्रममा मन्त्रीले भनेर मात्र प्रतिवेदन आएको नहुँने र आफूहरुले प्रतिवेदन ल्याईसकेको भन्दै प्रतिवेदन लिन सडकमा होईन आफू कहाँ आउनु पर्ने भन्दै आक्रोस् पोखे ।

उनले भने, ‘आयोगको प्रतिवेदन आएन भनेर सडकमा जाने होईन चाहिने भए आउनुहोस् म अहिले दिन्छु । चाहिने रिपोर्ट पठाईंदिन्छु । आयोगको प्रतिवेदन कहाँ सार्वजनिक नभएको छ ? सार्वजनिक भईसकेको छ । अब मन्त्रीले भनेर मात्र आएको हुन्छ ? को हो मन्त्री २ चार दिनको जागीर हामी त यहीँ छौं त सधैँ ।’

कोईरालाले विश्वविद्यालयमा शैक्षिक क्यालेन्डर लागु नभएको कारण पनि राजनीति दल र विद्यार्थी संग संगठनहरुकै बद्मासीले रहेको आरोप लगाए ।

उनले भने, ‘क्यालेन्डर बद्मासी गर्ने राजनीति दल र विद्यार्थी संग संगठन हुन् । राजनीनि दललाई कार्यकर्ता चाहिएको छ । कार्यकर्ता यहाँहरु हुनुनन्छ । यहाँहरुलाई बन्द गर्न रमाईलो लागेको छ, गर्नुहुन्छ ।’

उनले अहिले झण्डै २८ प्रतिशत विद्यार्थी नीजि विद्यालयमा पढ्ने भन्दै उनीहरुलाई सरकारी क्षेत्रमा कसरी लाने भन्ने कुरा सोच्नु आजको आवश्यकता भएको टिप्पणी गरे ।