सन्तोष दहाल- 

२० वर्षपछि सम्पन्न स्थानीय निर्वाचनको मतगणना सबै क्षेत्रहरूमा धमाधम भइरहेका छन् ।यस्तै ललितपुर जिल्लाका सबै गाउँपालिका तथा नगरपालिकामा पनि मतगणनाको काम चलिरहेको छ। प्राप्त जानकारी अनुसार ललितपुरको महांकाल गाउँपालिका वडा नं.६ ठुलादुर्लुङमा नेकपा एमालेबाट रामकृष्ण आचार्य विजयी भइसकेका छन्।आचार्यले ३६१ मत प्राप्त गरि विजयी भएका हुन भने उहाँका निकटतम प्रतिद्वन्दी कांग्रेसकानमा बाबुलाल श्रेष्ठले २७३ मत ल्याएका छन् । यसैगरी महांकाल गाउँपालिका प्रमुखमा भने स्वतन्त्र उम्मेद्वार गणेश केसीले ३१७ मतका साथ अग्र स्थानमा छन् भने एमालेका रामचन्द्र दाहालले २५५ मत प्राप्त गरेका छन् ।

त्यस्तै ललितपुर महानगरपालिकाबाट मेयरका लागि नेपाली कांग्रेसका उम्मेदवार चिरीबाबु महर्जन ६२३ मतका साथ अग्रस्थानमा छन् भने एमालेका हरिकृष्ण ब्यन्जनकारले ५२४ र माओवादी केन्द्रका दिपेश महर्जनले २०५ मत प्राप्त गरेका छन् ।महानगरपालिकाको जावलाखेलस्थित स्टाफ कलेजमा मतगणना जारी छ।महालक्ष्मी नगरपालिकामा मेयरका लागि नेकपा एमालेका रामेश्वर श्रेष्ठ २८५ मतका साथ अग्रस्थानमा छन,जसमा माओबादी केन्द्रको २३३ र कांग्रेसको १३८ मत प्राप्त भएको छ।

कोन्ज्योसोम गाउँपालिकाबाट प्रमुखका उम्मेदवार माओवादी केन्द्रका गोपी स्याङ्तान ३२५ मतका साथ अग्रस्थानमा छन् भने एमालेका कृष्णमान लामाले १८० र कांग्रेसका राजन घिमिरेले १३० मत प्राप्त गरेका छन।बाग्मती गाउँपालिकामा कांग्रेसका वीरबहादुर लोप्चन २३९मत प्राप्त गरी अग्रता लिएका छन,उक्त क्षेत्रमा एमालेका दुर्गाप्रसाद घिमिरेको २३५ र माओबादी केन्द्रका राजु आलेमगरको ४२ मत प्राप्त भएको छ।

त्यस्तै गोदावरी नगरपालिकामा मेयरका दावेदार नेकपा एमालेका श्यामकृष्ण सिलवालले ७८६ मत प्राप्त गरि अग्रता लिएका छन् भने कांग्रेसका गजेन्द्र महर्जनको ५७५ र माओवादी केन्द्रका श्रीगोबिन्द महर्जनले २०५ मत प्राप्त गरेका छन् ।