२१ जेठ, धनगढी- दोस्रो चरणको स्थानीय तह निर्वाचन मिति नजिकिदै गर्दा मुलुकभरी नै एमालेका पक्षमा जनलहर उर्लिएको छ । विभिन्न जिल्लामा विभिन्न पार्टी परित्याग गरी एमाले प्रवेश गर्नेहरुको लहर चलेको छ ।

आइतबार धनगढीमा राष्ट्रिय प्रजातन्त्र पार्टीका केन्द्रीय सदस्य राजेश भण्डारी, धनगढी उप–महानगर कमिटी नगर इञ्चार्ज रोम स्वाँर, अत्तरीया नगर अध्यक्ष दलबहादुर बोगटी, डोटीका पूर्व पार्टी संयोजक ओम विष्ट, जिल्ला उपाध्यक्ष लालबहादुर शाही, इटा व्यवसायी संघका मुक्ति सुवेदी, रामचन्द्र चौधरी लगायतका नेताहरू एमाले प्रवेश गर्नु भएको छ ।

यसैगरी, धनगढी उपमहानगरपालिका–३ बाट नेकपा (माओवादी) केन्द्रका नेता भरत खड्का, नेपाली कांग्रेसका वडा नम्बर ५ का नेता कृष्ण विष्ट पनि एमालेमा प्रवेश गर्नु भएको हो ।

एमाले प्रवेश गर्नेहरुलाई एमालेका उपाध्यक्ष एवं सात नम्बर प्रदेशका संयोजक भीम रावलले खादा र टीका लगाएर स्वागत गर्नु भएको छ ।